दिल्ली पुलिस अपना जवानन के वर्दी के इंस्पेक्टर से बदल के कांस्टेबल रैंक करे के योजना बनावत बिया. आधिकारिक सूत्र बुध के दिने ई जानकारी दिहले बाड़न. एह फोर्स में फिलहाल 90 हजार से अधिका जवान बाड़े, जवना में ‘डीएएनआईपीएस’ अवुरी ‘एजीएमयूटी’ संवर्ग के आईपीएस (भारतीय पुलिस सेवा) के अधिकारी शामिल बाड़े। नाम ना बतावे के मांग करत एगो वरिष्ठ पुलिस अधिकारी बतवले कि राष्ट्रीय राजधानी में मौसम के हालत के चलते फोर्स वर्दी बदले पs विचार करतिया। उs कहले कि, “अभी योजना के दौर में बा अवुरी अबे ले कुछूओ तय नईखे भईल। बाकिर बदलाव भईला पs भी खाकी रंग बनल रही।”
वर्दी मौसम के हिसाब से होई
दिल्ली पुलिस अपना जवानन के गर्मी में टीशर्ट आ ‘कार्गो’ पैंट आ जाड़ा में ऊनी शर्ट, पैंट के साथे-साथे स्पेशल क्वालिटी के ‘वार्मर’ उपलब्ध करावे पs विचार करत बिया. अधिकारी बतवले कि दिल्ली के कुछ हिस्सा में सिपाही लोग के प्रयोगात्मक आधार पs खाकी रंग के टीशर्ट अवुरी ‘कार्गो’ पैंट दिहल गईल बा।
‘कार्गो’ पैंट पs विचार कइल जा रहल बा काहे कि कर्मी डायरी, मोबाइल फोन, चार्जर आ हथियार जइसन कई गो सामान ले के चल सकेलें. कई देशन में कानून व्यवस्था के जवान ‘कार्गो’ पैंट पहिरेलें, जइसे कि भारत में विशेष बल भा अर्धसैनिक जवानन के कमांडो.
जूता, जैकेट अवुरी टोपी में भी बदलाव हो सकता
सूत्र बतवले कि कार्यालय में काम करेवाला जवान के अलग-अलग वर्दी भी दिहल जा सकता। उs कहले कि मौसम के हिसाब से जूता, जैकेट अवुरी टोपी में भी बदलाव हो सकता। बल झंडा फहरावे आ परेड जइसन समारोह से जुड़ल वर्दी बदले के योजना भी बनावत बिया।
