दिल्ली के मालखाना इलाका में भारी आग लगला के चलते हड़कंप मच गइल बा। जवना इलाका में आग लागल बा उs इलाका करीब 500 वर्ग गज के बा। इहाँ करीब 200 चार पहिया अवुरी 250 दुपहिया गाड़ी रहे। आग लगला के चलते सैकड़ों गाडी जर के राख हो गईल बा।
पूरा मामिला का बा?
दिल्ली पुलिस के आग के बारे में जानकारी 29 जनवरी के मिलल रहे। जवना इलाका में आग लागल बा ओकर नाम पीटीएस वजीराबाद, मलखाना हs। मउका पs 5 फायर टेंडर भेजल गईल बा। हालांकि एs घटना में कवनों के जानमाल के नुकसान के खबर नईखे।
ई आग वजीराबाद थाना के मालखाना में लागल बा। आग में 250 दुपहिया अवुरी 200 चार पहिया गाड़ी के नुकसान पहुंचल बा। हालांकि बाद में फायर ब्रिगेड आग पs काबू पा लिहलस। आग बुझावे में दमकलकर्मी के बहुत दिक्कत के सामना करे के पड़ल।