वेल्डिंग करे के दौरान तेल टैंकर में भइल धमाका, एगो शख्स के मौत

Sonu Kishor
वेल्डिंग करे दौरान तेल टैंकर में भइल धमाका

दिल्ली के द्वारका सेक्टर-23 में तेल टैंकर में वेल्डिंग के दौरान अचानक विस्फोट हो गइल। एह दुर्घटना में एक जने के मौत हो गइल। एही बीच तीन लोग अउरी गंभीर रूप से घायल हो गइले।

द्वारका सेक्टर 23 के भरथल गांव में तेल टैंकर में वेल्डिंग के दौरान अचानक विस्फोट हो गइल। एह दुर्घटना में एक जने के मौत हो गइल। एही बीच तीन लोग अउरी गंभीर रूप से घायल हो गइले। सभे घाही के बगल के इंदिरा गांधी अस्पताल पहुंचावल गइल, जहां से उनका के सफदरजंग अस्पताल रेफर कऽ दिहल गइल। एक जाना के इलाज के दौरान मौत हो गइल।

मरेवाला के पहचान बिजवासन निवासी मायाराम (36) के रूप में भइल बा। घाही के पहचान भरथल गांव के निवासी राकेश (32), फैयाज (22) अउरी समीर (23 साल) के रूप में भइल बा। क्राइम अउरी फोरेंसिक टीम मौका से कुछ सबूत बरामद क लेले बिया। पुलिस मामला के जांच में जुटल बिया।

Share This Article
Follow:
एगो भोजपुरिया कलाकार, लेखक, कवि आ भोजपुरी खातिर समर्पित नवहा जे अपना माई भाखा खातिर हमेसा खाड़ रहेला। खेल आ राजनीति के खबर पढ़े खातिर हमरा से जुड़ीं खबर भोजपुरी पs। हमरा से रउआ सभे sonuyadav957670@gmail.com पs जुड़ल रहीं...