गोरखपुर : दीनदयाल उपाध्याय गोरखपुर विश्वविद्यालय के कुलपति प्रो. पूनम टंडन लखनऊ इस्थित राजभवन में उत्तर प्रदेश के राज्यपाल आ विश्वविद्यालय के कुलाधिपति आनंदीबेन पटेल से शिष्टाचार भेंट कइली।
एह अवसर पs कुलपति प्रो. टंडन विश्वविद्यालय के हीरक जयंती (75वां स्थापना दिवस) के उपलक्ष्य में जारी विशेष स्मारक सिक्का आ डाक टिकट महामहिम के भेंट कइली। ई स्मृति चिह्न विश्वविद्यालय के शैक्षणिक उपलब्धियन आ इतिहास के दरसावत बा।
शिष्टाचार भेंट के दौरान महामहिम विश्वविद्यालय के शैक्षणिक गुणवत्ता, शोध विकास आ नवाचार योजनन के सराहना कइलें। ऊ भावी योजनन के प्रभावी क्रियान्वयन खातिर महत्वपूर्ण सुझाव आ मार्गदर्शन प्रदान कइलें।
कुलपति प्रो. टंडन विश्वविद्यालय में चल रहल सुधारात्मक प्रयासन आ राष्ट्रीय शिक्षा नीति के सफल क्रियान्वयन से संबंधित पहलुअन के विस्तृत जानकारी महामहिम के देली।
