जमुई में देर रात सीआरपीएफ के वाहन भीषण हादसा के शिकार हो गइल। बतावल जा रहल बा कि सीआरपीएफ वाहन पुल के नीचे करीब 20 फीट गहिराह गड़हा में जा गिरल। एह हादसा में चार जवानन के घायल होखला के सूचना बा। जवानन के सदर अस्पताल में भर्ती करावल गइल, जहां से गंभीर इस्थिति के देखत दु जवानन के पटना रेफर कइल गइल।
घटना जमुई के सोनो-चकाई मुख्य मार्ग पs खपरिया पुल पs भइल। बतावल जा रहल बा कि घायल सब जवान जमुई पुलिस लाइन में पदस्थापित बा लो। देर रात चकाई कैम्प जाये के दौरान जवानन के वाहन हादसा के शिकार हो गइल।
