बियाह एगो अयीसन पल हs जवना के हर आदमी अपना जीवन भर याद राखल चाहता। आपन बियाह के यादगार बनावे खातीर दुल्हा-दुल्हिन छोट-छोट बात पs पूरा ध्यान देवेले। ड्रेस से लेके खाना, सजावट से लेके कार्यक्रम तक के हर चीज पs विशेष ध्यान दिहल जाला। लेकिन कुछ लोग शादी के कार्ड के जादा महत्व ना देवेले अवुरी मौजूदा डिजाइन में जवन डिजाइन सबसे निमन लागे, ओकरा के पसंद करेले। लेकिन कुछ लोग बा जे एकरा के खास बनावेला अवुरी एकर नतीजा इs होखेला कि बहुत लोग कार्ड देखला के ठीक बाद बियाह में जाए के फैसला कs लेवेले। अइसने एगो शादी के कार्ड सोशल मीडिया पs वायरल हो रहल बा। आईं एह शादी के कार्ड के वायरल होखे के कारण बताईं जा।
आज ले आपके कई गो शादी के कार्ड नेवता के रूप में मिलल होई। कुछ कार्ड साधारण होला तs कुछ सुन्दर होला। लेकिन का रउवा कबो कार्ड देख के पता चलल कि वर-वधू के पेशा का हs? हँ सोशल मीडिया पs वायरल होखे वाला शादी के कार्ड के खासियत ईs बा कि जइसहीं देखब तs दुनु जने के पेशा के जानकारी मिल जाई। एही कारण से इs शादी के कार्ड काफी वायरल हो रहल बा। बता दीं कि बियाह के कार्ड के एक आधा हिस्सा पs मिलेट्री वर्दी के डिजाइन बा अवुरी दूसरा ओर डॉक्टर के कोट के डिजाइन बा। एकरा संगे दुनो के नाम भी लिखल बा।
Cutest sample of shadi card: pic.twitter.com/a9mQUaT0Fi
— Muhammad Shoaib (@Shaiibi0) January 20, 2024
लोग मजेदार टिप्पणी कइले बा?
ई पोस्ट सोशल मीडिया प्लेटफार्म एक्स (पहिले ट्विटर) पs @Shaiibi0 नाम के एगो अकाउंट के साथ शेयर कइल गइल बा। पोस्ट के संगे कैप्शन में लिखल बा कि, ‘इ बियाह के सबसे प्यारा नमूना बा।’ पोस्ट लिखे के समय तक एs पोस्ट के 6 लाख 36 हजार से जादा लोग देख चुकल बाड़े। कार्ड देखला के बाद एगो यूजर लिखले कि – हमार साइड खाली होई। एगो अउरी यूजर लिखले बाड़न – हमरा तरफ अंगूठा के छाप लिखल होखी। एगो अउरी यूजर लिखले बा – ई दू आदमी भा दू गो प्रोफेशन के बियाह ह।
