राहुल गांधी कांग्रेस नेता के बेंगलुरु कोर्ट में आज पेशी, जानीं पूरा मामिला

कांग्रेस नेता राहुल गांधी के आज कोर्ट में एगो महत्वपूर्ण सुनवाई बा। ई सुनवाई बेंगलुरु कोर्ट में होखे वाला बा. एकरा खातिर राहुल गांधी बियफे के सबेरे दिल्ली से बेंगलुरु खातिर रवाना हो गइल बाड़न. मानहानि के मामिला में उनुका बेंगलुरु कोर्ट में पेश होखे के बा। कर्नाटक भाजपा के ओर से दर्ज मानहानि के मामिला में कोर्ट उनुका के 7 जून के सोझा पेश होखे के कहले रहे. भाजपा के ओर से कांग्रेस के नेता के खिलाफ दर्ज मानहानि के मामिला में राहुल गांधी चउथा आरोपी बाड़े।  कांग्रेस पार्टी, कर्नाटक के सीएम सिद्धारमैया अवुरी डिप्टी सीएम शिवकुमार एही मामिला में अवुरी आरोपी बाड़े।

इहे पूरा मामिला बा

इs पूरा मामिला 2023 के कर्नाटक विधानसभा चुनाव के दौरान बा।  एकर संबंध विधानसभा चुनाव के दौरान कर्नाटक के प्रमुख अखबारन में छपल एगो विज्ञापन से बा।  एs विज्ञापन में कांग्रेस नेता राहुल गांधी तत्कालीन भाजपा सरकार पs भ्रष्टाचार के बहुत गंभीर आरोप लगवले रहले।  कर्नाटक भाजपा एकरा पs आपत्ति जतवले रहे अवुरी कोर्ट में मानहानि के मामिला दर्ज कईले रहे। एह मामिला में कर्नाटक के मुख्यमंत्री सिद्धारमैया आ उपसीएम डीके शिवकुमार के एक जून के जमानत मिल गइल बा.

एकरा से पहिले कांग्रेस पार्टी कोर्ट में इs दलील देले रहे

साथही अब राहुल गांधी के एह मामिला पs आजु सबेरे साढ़े दस बजे कोर्ट में हाजिर होखे के बा. एक जून के कर्नाटक भाजपा राहुल गांधी के खिलाफ गैर जमानती वारंट जारी करे के मांग कईले रहे, जबकि कांग्रेस पार्टी के नेता लोग के तर्क रहे कि कर्नाटक में पार्टी के ओर से विज्ञापन छपवला से राहुल गांधी के कवनो संबंध नईखे। कोर्ट एक जून के राहुल गांधी के मौजूदगी के अनुमति देले रहे। संगही कहलस कि उनुका कवनो हालत में 7 जून के कोर्ट में पेश होखे के होई।

दूसरा ममिला यूपी के सुल्तानपुर से जुड़ल बा

बता दीं कि बेंगलुरु के अलावे राहुल गांधी के खिलाफ मानहानि के मामिला उत्तर प्रदेश के सुल्तानपुर के सांसद विधायक कोर्ट में भी सुनवाई होखे वाला बा। सुल्तानपुर जिला के कोतवाली देहात थाना क्षेत्र के हनुमानगंज निवासी भाजपा नेता विजय मिश्रा कांग्रेस नेता राहुल गांधी के खिलाफ गृहमंत्री अमित शाह पs अशोभनीय टिप्पणी कईला पs मानहानि के मामिला दर्ज करवले रहले।  राहुल गांधी के खिलाफ 4 अगस्त 2018 के सुल्तानपुर के सांसद/विधायक अदालत में मानहानि याचिका दायर भईल रहे।  एही मामिला में आजु सुल्तानपुर के सांसद/विधायक अदालत में सुनवाई हो रहल बा.