चंद्रयान 3 चंद्रमा पs उतरल : भारतीय अंतरिक्ष अनुसंधान संगठन (इसरो) के बहुप्रतीक्षित मिशन चंद्रयान-3 इतिहास रचे से कुछ कदम दूर बा। चंद्रयान-3 के लैंडर विक्रम चंद्रमा के सतह पs उतरे खातीर तइयार बा अवुरी इ 23 अगस्त के सुरक्षित लैंडिंग करी। एकरा से दु दिन पहिले लैंडर चाँद के गजब के तस्वीर भेजले बा।
चंद्रयान-3 लैंडिंग से पहिले लैंडर हैज़र्ड डिटेक्शन एंड अवॉइडेंस कैमरा (एलएचडीएसी) के इस्तेमाल से ए तस्वीर के कैप्चर कईले रहे। ई तस्वीर चंद्रमा के सतह के दक्खिन ध्रुव पs मौजूद ओह जगह के ह, जहाँ चंद्रयान-3 के लैंडर विक्रम उतरे वाला बा।
इसरो तस्वीर साझा कईलस
सोशल मीडिया प्लेटफॉर्म ‘एक्स’ (पहिले ट्विटर) पs इ तस्वीर साझा करत इसरो लिखले कि, ‘इ चाँद के सुदूर क्षेत्र के तस्वीर ह, जवन कि लैंडर के खतरा के पता लगावे अवुरी बचाव कैमरा (एलएचडीएसी) से कैप्चर भईल बा।’ विशेष कैमरा के बारे में बतावत इसरो कहले कि, ‘इ कैमरा (लैंडर) उतरे के दौरान सुरक्षित लैंडिंग एरिया (बिना बोल्डर आ गहिरा गड्ढा के) के पता लगावे में मदद करेला।’ एकरा के स्पेस एप्लीकेशन सेंटर, इसरो में विकसित कइल गइल बा।
Chandrayaan-3 Mission:
🇮🇳Chandrayaan-3 is set to land on the moon 🌖on August 23, 2023, around 18:04 Hrs. IST.
Thanks for the wishes and positivity!
Let’s continue experiencing the journey together
as the action unfolds LIVE at:
ISRO Website https://t.co/osrHMk7MZL
YouTube… pic.twitter.com/zyu1sdVpoE
— ISRO (@isro) August 20, 2023
चंद्रयान-3 दक्षिण ध्रुव पs उतरी
चंद्रयान 3 के चंद्रमा के दक्षिण ध्रुव पs 23 अगस्त के साँझ करीब 6:04 बजे (भारतीय समय) पs उतरे के उमेद बा। अतवार के सबेरे एह मिशन के दुसरका आ आखिरी डीबूस्टिंग ऑपरेशन (गति कम करे के प्रक्रिया) सफलतापूर्वक पूरा हो गइल।
चंद्रमा पs सफलतापूर्वक उतरला के बाद भारत अयीसन करेवाला दुनिया के चउथा देश बन जाई। अबहीं ले खाली अमेरिका, सोवियत संघ आ चीन के मिशन चंद्रमा पs सफलतापूर्वक उतरल बा।
