देश के एफएम रेडियो चैनलन के अब नशा के बढ़ावा देवे वाला गाना भा आउर सामग्री चलावे से पहिले सौ बेर सोचे के होई। केंद्र सरकार रेडियो चैनलन के अइसन गानन के चलावे से आगाह कइले बिया जवन शराब, ड्रग्स, गन कल्चर समेत आसामाजिक गतिविधियन के बढ़ावा देवेला।
एफएम रेडियो चैनलन खातिर सूचना आ प्रसारण मंत्रालय के ओर से जारी एगो एडवाइजरी में सख्त निरदेस दिहल गइल बा कि, ऊ ग्रांट ऑफ परमिशन एग्रीमेंट आ माइग्रेशन ग्रांट ऑफ परमिशन एग्रीमेंट में निर्धारित नियमन आ शर्तन के सख्ती से पालन करे। संगही निरदेस बा कि, अइसन कवनो सामग्री के प्रसारण ना करे जवना से नियमन के उल्लंघन होखे।
एडवाइजरी में कहल गइल बा कि, कवनो तरे के उल्लंघन कइला पs ग्रांट ऑफ परमिशन एग्रीमेंट (जीओपीए) माइग्रेशन ग्रांट ऑफ परमिशन एग्रीमेंट (एनजीओपीए) में निर्धारित नियमन आ शर्तन के अनुसार उचित मानल जाये वाला दंडात्मक कार्यवाही कइल जाई। अइसन सामग्री आकाशवाणी कार्यक्रम संहिता के उल्लंघन करत बा आ केंद्र के अनुमति के निलंबन आ प्रसारण पर रोक लगावे खातिर प्रतिबंध लगावे के अधिकार हs।
Comments are closed.