आपन समय के मशहूर अभिनेत्री करिश्मा कपूर के इंदौर हवाई अड्डा पs देखल गइल। रात के 12.30 बजे उs इंदौर पहुंचली। उs ट्रांजिट दौरा पs इंदौर आईल रहली। इंदौर से अब गाड़ी से देवास जइहें। उहाँ के एगो इंटरनेशनल स्कूल के वार्षिक समारोह में विशेष अतिथि के रूप में शामिल होईहे। कार्यक्रम में शामिल भइला के बाद करिश्मा कपूर खुद शनिचर के रात मुंबई खातिर रवाना हो जइहें।
नीला जींस के ऊपर सफेद टी-शर्ट अवुरी जैकेट
करिश्मा कपूर के इंदौर हवाई अड्डा पs सदाबहार लुक में देखल गइल। नीला जींस के ऊपर सफेद टीशर्ट आ ऊपर करिया जैकेट पहिनले रहली। हवाई अड्डा पs भी उनुका के देख के प्रशंसकन के बीच बहुत उत्साह रहे।
करिश्मा इंदौर आवे से पहिले सुक के सोशल मीडिया पs भी एगो वीडियो पोस्ट कईले रहले। एहमें ऊs बतवले रहली कि ऊ देवास के एगो स्कूल में एगो कार्यक्रम में शामिल होखे खातिर इंदौर आवत बाड़ी।
