करनाल शहर के सेक्टर-4 में एगो फोटोग्राफर के घर के ताला तूड़ के चोर दु लाख रुपिया अवुरी ओकरा अलमारी में राखल डीएसएलआर कैमरा चोरा लेलस। शिकायत के आधार पs पुलिस मामिला दर्ज कs जांच शुरू कs देले बिया।
सेक्टर चार के निवासी टैहल सिंह बतवले कि उs सांभली गांव के निवासी हवे अवुरी सेक्टर चार में रहत बाड़े। उनकर माई कई महीना से बेमार बाड़ी। 20 फरवरी के उs अपना पत्नी अवुरी बच्चा के संगे सांभली गांव में अपना महतारी के लगे गईले। सांभली से करनाल पहुंचले तs देखले कि घर के मुख्य दुआर के ताला गायब बा।
कुंडी टूट गइल रहे आ भीतर के सगरी सामान बिखर गइल रहे। भीतर से करीब 1.20 लाख अवुरी दु लाख रुपिया के डीएसएलआर कैमरा चोरी भईल मिलल। चोरी के शिकायत पुलिस में दर्ज करावल गइल बा। पुलिस मउका पs पहुंच के घर के निरीक्षण कs केस दर्ज कs जांच शुरू कs देले बा।
