कनाडा से बड़हन राजनीतिक खबर सामने आ रहल बा. जानकारी के मुताबिक, अपना देश में भारी राजनीतिक दबाव के सामना करेवाला कनाडा के प्रधानमंत्री जस्टिन ट्रूडो इस्तीफा देवे वाला बाड़े। अगर खबरन पs विश्वास कइल जाव तs जस्टिन ट्रूडो सोमार के दिने भा खुद एह हफ्ता के भीतर कनाडा के प्रधानमंत्री पद से इस्तीफा देबे वाला बाड़न. बता दीं कि जस्टिन ट्रूडो के कार्यकाल में भारत समेत कई गो अउरी देशन से कनाडा के संबंध बिगड़ गइल बा. भारत के नजरिया से एकरा के एगो बढ़िया खबर मानल जाला।
उपप्रधानमंत्री इस्तीफा दे दिहले बाड़न
हाल के समय में कनाडा में जस्टिन ट्रूडो के नेतृत्व वाली सरकार के लोकप्रियता में लगातार गिरावट आ रहल बा। एकरा से पहिले ट्रूडो सरकार के सबसे ताकतवर मंत्री अवुरी उपप्रधानमंत्री क्रिस्टिया फ्रीलैंड भी इस्तीफा दे देले रहली। एह इस्तीफा के ट्रूडो खातिर एगो बड़हन झटका मानल गइल. उs देश के वित्त मंत्री के पद भी सम्हारत रहली।
असल में बुध के दिने कनाडा में लिबरल पार्टी के कॉकस के आयोजन कइल जाई. जस्टिन ट्रूडो के इस्तीफा के एलान एकरा से पहिले भी हो सकता। अबहीं ई साफ नइखे कि ट्रूडो अंतरिम नेता बनल रहीहें कि ना जबकि लिबरल पार्टी नया नेतृत्व के तलाश में बिया. पिछला साल दिसंबर में जस्टिन ट्रूडो सरकार के प्रमुख सहयोगी एनडीपी नेता जगमीत सिंह कहले रहले कि उS अल्पसंख्यक उदारवादी सरकार के गिरावे के प्रस्ताव पेश करीहे।
इहो पढ़ीं: अतवारी छौंक: ‘बात कुछ पुरनका दौर के ‘ अपने दौर के underrated एक्ट्रेस रहली ‘राखी गुलजार’