Esmayeel Shroff: डायरेक्टर इस्माइल श्रॉफ के निधन, ‘सूर्या’ आ ‘बुलंदी’ जइसन कमाल के फिल्मन के कइलें रहस निर्देशन 

Anurag Ranjan

फिल्म इंडस्ट्री से दुखद खबर सामने आ रहल बा। बॉलीवुड के मशहूर डायरेक्टर इस्माइल श्रॉफ के निधन हो गइल बा। ऊ मुंबई के कोकिलाबेन अंबानी हॉस्पिटल में अंतिम सांसें लेलें। 82 साल के डायरेक्टर के निधन के कारण फिलहाल सामने नइखें आइल। बाकिर उनकर फैंस आ करीबी उनका गइला से बहुते दुखी बा लो। इस्माइल श्रॉफ हिंदी फिल्म इंडस्ट्री में बहुते लोकप्रिय फिलिमन के बनवले आ नाम कमइले रहस। ऊ राजेश खन्ना से लेके राजकुमार जइसन बड़ सितारन के संगे फिलिम बना चुकल रहलें।

के रहलें इस्माइल श्रॉफ?

इस्माइल श्रॉफ इंजीनियर स्टूडेंट रहल बाड़े। ऊ Tiruchirappalli से साउंड इंजीनियरिंग कइलें रहस। फेर ऊ करियर संवारे मुंबई आ गइलें। करियर के शुरुआत ऊ बतौर असिस्टेंट के तौर प कइलें रहस।

इस्माइल श्रॉफ के डेब्यू आ आखिरी फिलिम 

इस्माइल श्रॉफ करियर के शुरुआत थोड़ी सी बेवफाई से कइलें। एकरा बाद ऊ बैक टू बैक कइयन गो फिलिम बॉलीवुड में बनावत गइलें। एह करियर में ऊ राजकुमार, सलमान खान, राजेश खन्ना जइसन सुपरस्टार्स के संगे फिलिम बनवले। ऊ आपन अंतिम फिलिम साल 2004 में थोड़ा तुम बदलो थोड़ा हम बनवले रहस। जेमे आर्या बब्बर आ श्रिया शरन नजर आइल रहे लो।

इस्माइल श्रॉफ के फिलिमन के सूची

इस्माइल श्रॉफ साल 1977 से लेके 2004 तक कइयन गो फिल्में बनवले। एही बीच ऊ ‘अगर’, ‘थोड़ी सी बेवफाई’, ‘बुलंदी’, ‘आहिस्ता आहिस्ता’, ‘दिल आखिर दिल है’, ‘झूठा सच’, ‘लव 86’, ‘जिद’, ‘तरकीब’ जइसन कइयन गो फिलिमन के निर्माण कइलें रहस।

Share This Article
Content Creator
Follow:
सिविल इंजीनियर, भोजपुरिया, लेखक, ब्लॉगर आ कमेंटेटर। खेल के दुनिया से खास लगाव। परिचे- एगो निठाह समर्पित भोजपुरिया, जवन भोजपुरी के विकास ला लगातार प्रयासरत बा। खबर भोजपुरी के एह पोर्टल पs हमार कुछ खास लेख आ रचना रउआ सभे के पढ़े के मिली। रउआ सभे हमरा के आपन सुझाव anuragranjan1998@gmail.com पs मेल करीं।