भाजपा स्थपना दिवस : भाजपा के बूथ कार्यकर्ता 10 लाख 56 हजार बूथ पे अपने -अपने घर पे झंडा फहरइहें
केंद्रीय मंत्री राजनाथ सिंह कहले कि, ‘भाजपा के स्थापना दिवस पे दिल से बधाई।’ एह मौका पे पार्टी के करोड़ों देवता निहन कार्यकर्ता के बधाई देतानी, जिनका अथक मेहनत के चलते आज भाजपा दुनिया के सबसे बड़ राजनीतिक दल के रूप में स्थापित हो गईल बिया। पीएम मोदी के नेतृत्व में भाजपा भारतीयन खातिर ऊ राजनीतिक पार्टी ह जवना में ऊ लोग आपन भविष्य देखत बा | भाजपा समाज के कमजोर तबका के मजबूत समर्थन के रूप में काम करत आईल बिया अउरी देश के विकास यात्रा के एगो नाया चरम पे स्थापित करे के पूरा मन से कोशिश करतिया।
भाजपा स्थापना दिवस के कार्यक्रम सबेरे 9.15 बजे भाजपा मुख्यालय विस्तार में राष्ट्रीय अध्यक्ष जेपी नड्डा के झंडा फहरावे से शुरू होई। एकरा संगे-संगे पार्टी के प्रदेश अध्यक्ष देश भर में अपना-अपना राज्य कार्यालय में झंडा फहरावे के काम करीहे। संगही देश भर में पार्टी के जिला अध्यक्ष 978 जिला अउरी 15 हजार 923 मंडल में झंडा फहरावेले। 10 लाख 56 हजार बूथ पे भाजपा के बूथ कार्यकर्ता सबेरे 9.15 बजे अपना-अपना घर पे झंडा फहरा के पार्टी के स्थापना दिवस कार्यक्रम के शुरुआत करीहे।