BIHAR: वैशाली में पंजाब नेशनल बैंक के गोरौल शाखा में लागल आग, धू-धू कs के जरल ब्रांच, पहुंचल पुलिस के टीम के

Anurag Ranjan

बिहार के वैशाली में पंजाब नेशनल बैंक के भीतरी भीषण आग लागल बा। वैशाली के गोरौल में ई हादसा भइल बा। सनिचर के देर रात अचके बैंक के भीतर से आग के लपट तेजी से बाहर निकले लागल। देखते-देखत बैंक धू-धू कs के जरे लागल। आग के सूचना लोग फायर बिग्रेड के देलस जवना के बाद दमकल के टीम बहुते मेहनत का बाद आग पs काबू पवलस। आग लागला के वजे अभी पता नईखे चल सकल बाकिर शाखा के भीतरी लाखन के नुकसान आ कागजात आ उपकरणन् के हानी भइल बा।

आग लगला के सूचना तुरंते फायर बिग्रेड के दिहल गइल। जवना के बाद दमकल के टीम मवका पs पहुंचल। कड़ा मशक्कत के बाद आग पs काबू पावल गइल। बाकिर एतने देर में बैंक के अंदर सब कुछ जर के राख हो गइल रहे। बैंक खुले के इंतजार कइल गइल तब जाके जानकारी सोझा आ सकल कि केतना नुकसान भइल बा।

मीडिया रिपोर्ट के मोतबिक, आग लगला के वजे से लाखन रुपिया के उपकरण जर गइल बा। बाकिर अइसन सक बा कि शॉट सर्किट का वजे से आग लागल बा। बतावल जा रहल बा सनिचर के डेर रात 1 बजे ई घटना घटल। स्थानीय लोग जब आग के लहोका देखल तs एकर सूचना के थाना के दिहल।

साभार: प्रभात खबर

Share This Article
Content Creator
Follow:
सिविल इंजीनियर, भोजपुरिया, लेखक, ब्लॉगर आ कमेंटेटर। खेल के दुनिया से खास लगाव। परिचे- एगो निठाह समर्पित भोजपुरिया, जवन भोजपुरी के विकास ला लगातार प्रयासरत बा। खबर भोजपुरी के एह पोर्टल पs हमार कुछ खास लेख आ रचना रउआ सभे के पढ़े के मिली। रउआ सभे हमरा के आपन सुझाव anuragranjan1998@gmail.com पs मेल करीं।