यूपी के बलिया में मंगल का देर रात बिहार पुलिस के जवानन के सवार एगो बस के दुर्घटना हो गइल। एह हादसा में 29 जवान घायल हो गइल बाड़े। सभे के अस्पताल में भर्ती करावल गइल, जहां सभके इलाज हो रहल बा।
उत्तर प्रदेश के बलिया में मंगल का रात एगो सड़क हादसा हो गइल। बिहार स्पेशल आर्म्स पुलिस के जवानन से भरल बस में दुर्घटना हो गइल। एह हादसा में बिहार पुलिस के 29 जवान घायल हो गइल बाड़े। 10 जवान के जिला अस्पताल में भर्ती करावल गइल, जहां सभके इलाज चलता।
बलिया पुलिस के मुताबिक मंगलवार के जवान दिवाली अउरी छठ पर्व में शांति कायम राखे खातिर ड्यूटी खाती डेहरी से सोन रोहतास पऽ सिवान बिहार जात रहले। रात के करीब 12.30 बजे बैरिया इलाका के चांद दियार पेट्रोल पंप से निकलला के बाद अचानक बस बेकाबू हो गइल आ पलट गइल। एह हादसा में 29 जवान घायल हो गइले।
एसपी घायल लोग के बारे में पूछताछ कइले
जानकारी मिलला पऽ बलिया पुलिस घायल 29 जवान के पहुंच के सीएचसी सोनबरसा ले गइल, जहां से 10 जवान के जिला अस्पताल में भर्ती करावल गइल बा। एही बीच बाकी जवानन के सोनबरसा सीएचसी में इलाज चल रहल बा। एसपी विकांत वीर घायल जवानन से मिल के ओह लोग के सेहत के बारे में पूछताछ कइलन। एसपी बेहतर इलाज खातिर डॉक्टर से बात कइले।
जवान प्राइवेट बस से जात रहले
एसपी विक्रांत वीर बतवले कि 29 अक्टूबर के बिहार स्पेशल आर्म्स पुलिस के 18वीं बटालियन के ई कंपनी सोन रोहतास पऽ देहरी से निजी बस से सिवान जात रहे। हादसा बैरिया इलाका के चांद दियार पेट्रोल पंप का लगे भइल बा। जवना में 29 जवान घायल हो चुकल बाड़े। सभे के इलाज खाती अस्पताल में भर्ती करावल गइल बा।
Comments are closed.