बीच सड़क पर भीड़ गयी पापा की परियां… pic.twitter.com/PPqWDhL3fG
— Madhuresh Narayan (@mnarayan26) September 17, 2022
दोस्ती, प्यार आ जंग में सब जायज बा। एह कहावत के दु गो लईकी लो छपरा में बीच सड़क प चरितार्थ क दिहल लो। लईकियन के दोस्ती में बीच सड़क प जंग में बदल गइल त पूरा मोहल्ला देखत रह गइल। दुनो के लड़ाई अइसन तमाशा बनल कि बड़ संख्या में लोग उहां जमा होके मजा लेवे लागल। एही बीचे एगो आदमी ओह लो के रोके कोसिस कइल लो कि उनकर लड़ाई बढ़त चल गइल। बतावल जा रहल बा कि ऊ वीडियो छपरा के ह। ओइसे एह वीडियो के पुष्टि खबर भोजपुरी नइखे करत। जदि सोशल मीडिया प ई वीडियो बहुते तेजी से वायरल हो रहल बा।
कोचिंग जा रहल छात्रा आपस में भिड़ल लो
बतावल जा रहल कि वीडियो छपरा के दारोगा राय चौक के लगे के ह। चौक से उत्तर जाये वाला सड़क प ओह समय अजीब स्थिति उत्पन्न हो गइल। जब साँझ में कोचिंग जा रहल दु गो छात्रा अचके कवनो बात प आपस में भिड़ गइल लो। दुनो छात्रा लो एक दूसरा के बार के खिंचल लो। एकरा बाद एक दूसरा प जमके थप्पड़ बरसावल लो। लोगन के समझ में ना आवत रहे कि दुन लईकियन के बीच लड़ाई काहे भइल। लड़ाई अइसन रहे कि अगल-बगल के लोग घर से बाहर निकल गइल। बाकिर दुनो लईकी कवना कोचिंग के रहे लो आ के ह लो एकरा बारे में विशेष जानकारी नइखे मिल पाइल।
लईकियन के साथे रहले दु गो लईका
दरोगा राय चौक के लगे जहां ई घटना भइल उहां दु गो लईको रहले। लोगन के कहनाम बा कि उ दुनो लईकियन के सहपाठी लागत रहे लो। बाद में कवनो तरे दुनो लईका मिल के लईकियन के शांत करावल लो। एह बीच पूरा घटना के वीडियो कवनो आदमी बना लिहल। एकरा बाद ई वीडियो सोशल मीडिया प वायरल हो रहल बा। स्थानीय दुकानदार बतावल लो कि दुनो लईकी, कवनो निजी बात के लेके आपस में भिड़ल रहे लो।
साभार: प्रभात खबर
