19 जनवरी 2025 ले चलल छोट परदा के सबसे लोकप्रिय रियलिटी शो ‘बिग बॉस 18’ के ग्रैंड फाइनल काफी मजेदार अवुरी धमाकेदार रहल बा। देर रात के फाइनल में शो के सबले लोकप्रिय प्रतियोगी करणवीर मेहरा के एह सीजन के विजेता घोषित कs दिहल गइल जबकि करणवीर के साथे प्रतियोगियन के विरोध आ समर्थन करे वाली विवियन डीसेना के उपविजेता घोषित कs दिहल गइल. जबकि रजत दलाल टॉप 3 में जगह बनावे में कामयाब रहलें। एकरा संगे सलमान खान करणवीर मेहरा के ट्रॉफी के संगे 50 लाख रुपया भी मिलल बा। जबकि ईशा सिंह आ चुम दरांग के बिग बॉस सीजन 18 के विजेता बने के सपना चकनाचूर हो गइल.
बिग बॉस 18 के कंटेस्टेंट्स लिस्ट
बिग बॉस सीजन 18, 4 अक्टूबर, 2024 के प्रसारित भइल। एs बेर विवियन डीसेना, करणवीर मेहरा, अविनाश मिश्रा, चाहत पांडे, ऐलिस कौशिक, ईशा सिंह, मुस्कान बामने, शहजादा धामी, शिल्पा शिरोडकर, गुणरत्न सदावर्ते, अरफीन खान, सारा अरफीन खान, तजिंदर सिंह बग्गा, हेमा शर्मा उर्फ विरल भाभी, श्रुतिका अर्जुन, नायरा एम बनर्जी, चूम दरांग आ रजत दलाल रहले।
करणवीर मेहरा के हवें?
करणवीर मेहरा पिछला 19 साल से इंडस्ट्री में बाड़े। उs कई गो टीवी शो कईले। उs 2005 से टीवी के दुनिया में प्रवेश कईले। उs रोहित शेट्टी के शो ‘खत्रों के खिलाडी 14’ के विजेता भी रहल बाड़े। एहमें ऊ बीस लाख रुपिया के साथे एगो चमकत ट्रॉफी भी जीत लिहले. करणवीर कृष्णा श्रॉफ आ गश्मीर महाजनी के हरा के विजेता के ट्रॉफी जीत लिहले. करण वीर साल 2004 में ‘रीमिक्स’ शो से टीवी इंडस्ट्री में शुरुआत कइले रहले. बाद में ऊ ‘बिवी और मैं’, ‘रागिनी एमएमएस 2’, ‘मेरे दाद की मारुति’ आ ‘इट्स नॉट दैट सिंपल’ में नजर अइलें.
इहो पढ़ीं: सबेरे-सबेरे: आंख के बनावल चाहत बानी खूबसूरत आ तेज तs रोज करीं इs 3 गो योगासन
