Bigg Boss 18: बिग बॉस 18 के हिस्सा बनिहें अनिरुद्धाचार्य ? 

Sonu Kishor
अनिरुद्धाचार्य: फोटो - सोशल मीडिया

बिग बॉस 18 महज कुछ घंटा में शुरू होखे वाला बा। मेजबान सलमान खान आ बिग बॉस के फैन आर्मी बेसब्री से एकर इंतजार करत बिया। बिग बॉस 18 काल्ह माने 6 अक्टूबर के साँझ से शुरू होखी आ प्रीमियर के शूटिंग 5 अक्टूबर के साँझ से शुरू होखी। बिग बॉस में शामिल होखे वाला प्रतियोगियन के प्रोमो शुरू हो गइल बा। हालांकि एमें प्रतियोगी के लुक आ आवाज सुनल जा सकेला बाकिर चेहरा छिपल बा।एही बीच सोशल मीडिया पर एगो वीडियो बहुत तेजी से वायरल हो रहल बा। जवना में अनिरुद्धाचार्य के देखल जाता।

बिग बॉस के सेट पऽ अनिरुद्धाचार्य देखल जा रहल बाड़न

बिग बॉस 18 के सेट से अनिरुद्धाचार्य के एगो वीडियो वायरल हो रहल बा जवना में अनिरुद्धाचार्य सेट के बहरी गेट पर लउकत बाड़न। मानल जाला कि अनिरुद्धाचार्य कुछ शूट कइले बाड़न, जवना के खतम कइला के बाद उऽ लवटत बाड़े। वायरल वीडियो में अनिरुद्धाचार्य मुस्कुरा के देखल जा रहल बाड़े। फिलहाल देखे के बा कि अनिरुद्धाचार्य बिग बॉस 18 में लउऽकत बाड़े कि ना।

अनिरुद्धाचार्य के देख के प्रशंसक खुश हो गइले

अनिरुद्धाचार्य के देख के प्रशंसक बहुत खुश बाड़े। वीडियो देखत घरी एगो यूजर लिखत बा कि, “अगर ई बाबा जी बिग बॉस में एंट्री ले लेस तऽ हम बिग बॉस जरूर देखब।” एगो यूजर लिखले कि, “ई बाबा जी धीरे-धीरे मोह में फंसत बाड़े।” फिलहाल देखे के बा कि अबकी बेर बिग बॉस कइसे हलचल पैदा करीहें। बिग बॉस के प्रतियोगियन के चेहरा अबहीं ले नइखे देखावल गइल बाकिर काल्ह साँझ से प्रतियोगियन के चेहरो देखावल जाई।

Share This Article
Follow:
एगो भोजपुरिया कलाकार, लेखक, कवि आ भोजपुरी खातिर समर्पित नवहा जे अपना माई भाखा खातिर हमेसा खाड़ रहेला। खेल आ राजनीति के खबर पढ़े खातिर हमरा से जुड़ीं खबर भोजपुरी पs। हमरा से रउआ सभे sonuyadav957670@gmail.com पs जुड़ल रहीं...