बोर्ड के पहिला बइठक सोमार के दिने नगर पंचायत कप्तानगंज कार्यालय में भइल। बैठक में सर्वसम्मति से फैसला भईल कि स्वच्छता, जल निकासी, पेयजल अवुरी बिजली के समस्या पs काम प्राथमिकता के आधार पs कईल जाई। विधायक कविन्द्र चौधरी कहले कि सभे सदस्य समय-समय पs अपना वार्ड के समस्या के बारे में बोर्ड के जानकारी देत रहस। ताकि ओह समस्या के समाधान हो सके।
नगर पंचायत के अध्यक्ष चंद्र प्रकाश चौधरी बतवले मतदाता एगो विश्वास के संगे सभके चुनले बाड़े। ओह लोग के सुविधा खातिर हर संभव प्रयास कइल जाई। वार्ड में विकास के काम बिना कवनो भेदभाव के पूरा कईल जाई। कार्यकारिणी अधिकारी सूर्य प्रताप सिंह बतवले जीरो टॉलरेंस के आधार पs सभ काम कईल जाई ।अगर विकास के काम में कवनो गड़बड़ी मिलल त कड़ा कदम उठावल जाई। विकास के काम के निगरानी खातीर समिति बनावल जाई। सदस्य लोग वार्ड से जुड़ल सब समस्या के बईठक में उठवले। सभ काम के सूचीबद्ध करत कार्यकारी अधिकारी ओ लोग के निस्तारण के भरोसा देले। एह अवसर पर फूलकला, राजीव कुमार, रत्नावली, राजेश, रामरक्ष यादव, आशा, राम जीत चौधरी, सूर्यमणि चौधरी, राम पूजन, लक्ष्मी त्रिपाठी आदि मौजूद रहले।
पार्षद लोग एजेंडा ना बतावे के विरोध
बोर्ड के बइठक के पहिला बइठक सोमार के दिने नगर पंचायत रुधौली के कार्यालय में भइल। सदस्य लोग के शिकायत रहे कि उ लोग के बैठक के एजेंडा के बारे में जानकारी नईखे। सदस्य प्रतीक सिंह कहले कि आमंत्रण पत्र में एजेंडा के जिक्र नईखे भईल, एहसे सदस्य बिना पहिले से तैयारी कईले आईल बाड़े। सदस्य शशांक कुमार, पंकज सिंह, अनिल मौर्य भी आपत्ति दर्ज करवले। विधायक राजेन्द्र प्रसाद चौधरी विधायक कोष से सब वार्ड में विकास के काम खातिर एक-एक लाख रुपया देवे के घोषणा कईले। अध्यक्ष धीरसेन निषाद सदस्यन के साथे मिलके सब वार्ड के विकास के दिशा मे काम कईल जाई । इस अवसर पs सदस्य गुलाब देवी, सुशीला देवी, गुंजन आर्य, विनोद कुमार, अनिल मौर्य, नंदिता मिश्रा, रीता यादव, पंकज सिंह, प्रतीक सिंह, सुजीत सोनी, प्रभावती, आदित्य मोदनवाल, शशंक कुमार आदि मौजूद रहले।
