सज गइल बाबा के धाम, उत्सव होई मन रमावे वाला: गंगा द्वार से विश्वनाथ द्वार ले आसमान से उतरल सितारा, कइल गइल अद्भुत शृंगार

श्री काशी विश्वनाथ धाम के लोकार्पण के पहिला वर्षगांठो काशीवासियन के स्मृति में दर्ज हो जाई। लोकार्पण उत्सव मनावे खातिर बाबा के धाम सज-धजकर तैयार हो गइल बा। गंगा द्वार से विश्वनाथ द्वार ले पूरा परिसर रंगबिरंगी रोशनी में नहा उठल बा। अइसन बुझाता मानो आसमान से जमीं पर सितारा बाबा धाम के उत्सव मनाबे धरती पर उतर आइल होखें। बाबा विश्वनाथ के मंदिर क्षेत्र से ले के गंगा द्वार ले रंग-बिरंगी रोशनी श्रद्धालुअन के लुभा रहल बा। मंगर के मंगला आरती के साथही धाम के लोकार्पण के पहिला वर्षगांठ के उत्सव आरंभ हो जाई। काशीवासियन के संगही देश भर के श्रद्धालु बाबा के भव्य मंगला आरती के साक्षी बनिहें। एकरे सथही बाबा के दरबार आम श्रद्धालुअन खातिर खुल जाई। वेदपाठी बटुक अउर संत समाज के ओर से वेद पारायण होई। पूरा परिसर ओजस वेद मंत्र से गुंजायमान हो उठी।