उत्तर प्रदेश के आयुष कॉलजों में स्नातक कोर्स में दाखिला खातिर ऑनलाइन काउंसिलिंग सात जनवरी से होई। उहवें, पीजी के काउंसिलिंग पांच जनवरी से शुरू होई। आयुर्वेदिक कॉलेजन में बीएएमएस, होम्योपैथिक कॉलेजन में बीएचएमएस अउर यूनानी कॉलेजन में बीयूएमएस के काउंसिलिंग राष्ट्रीय सूचना विज्ञान केंद्र (एनआइसी) कराई।
सात जनवरी से 11 तक पंजीयन होई अउर सिक्योरिटी राशि जमा होई। 14 के राज्य स्तरीय मेरिट जारी होई। 15 अउर 16 के कॉलेज विकल्प भरल जाई अउर 17 के सीट आवंटन होई। 18 से 21 ले नोडल सेंटर पर मूल अभिलेख के सत्यापन होई। 24 के आवंटन पत्र जारी होई अउर एही दिन सीट अपग्रेडेशन के आवेदन होई। 25 के परिणाम जारी होखले के बाद 27 ले सब के दाखिला लेवे के होई। काउंसिलिंग प्रक्रिया होम्योपैथिक निदेशक प्रो. अरविंद कुमार वर्मा के देखरेख में होई।
कहां केतना बा सीट
आठ राजकीय आयुर्वेदिक मेडिकल कॉलेजन में बीएएमएस के 502 बा। निजी कॉलेजन में 5010 सीट रहल, मानक पूरा नाइ भइले से अभीन ले खाली 3400 सीट पर दाखिला होई। होम्योपैथिक के नौ राजकीय मेडिकल कॉलेजों में 826 अउर दू निजी कॉलेजन में दू सौ सीट बा। दू राजकीय यूनानी कॉलेज में 128 अउर निजी क्षेत्र के 18 कॉलेजन में 670 सीट बा।
काउंसिलिंग खातिर बनल कमेटी
काउंसिलिंग खातिर बनल कमेटी में आयुष विभाग के विशेष सचिव सुखलाल भारती अध्यक्ष अउर होम्योपैथिक निदेशक प्रो. अरविंद कुमार वर्मा सचिव बनावल गइल बा। आयुर्वेद प्रतिनिधि के रूप में राजकीय आयुर्वेदिक कॉलेज झांसी के प्रधानाचार्य प्रो. रवि प्रकाश अउर यूनानी निदेशालय अउर दू निजी कॉलेजन के प्रतिनिधि भी कमेटी में शामिल बानें। उहवें, पीजी काउंसिलिंग खातिर विशेष सचिव सुखलाल भारती के अध्यक्ष अउर आयुर्वेद निदेशक प्रो. पीसी सक्सेना के कमेटी के सचिव बनावल गइल। तीनों विधा के प्रतिनिधि अउर निजी कॉलेज के प्रतिनिधि भी शामिल रहिहें।