अयोध्या में बनल भव्य राम मंदिर में बईठल रामलला अबकी बेर आपन जन्मदिन मनावे जा रहल बाड़े। एह खास मउका पs अयोध्या में सभे मौजूद रहे के चाहत बा, बाकिर राम मंदिर ट्रस्ट कहत बा कि अगर रउरा एह खास दिन ना आई यानी राम नवमी के जगह कवनो दोसरा दिन अयोध्या में आ जाईं तs हमनी का रउरा सभे के स्वागत करे में सक्षम होखब जा आ इंतजाम भी कर सकीले। बताईं कि राम मंदिर ट्रस्ट काहे अइसन कहत बा आ एकरा पीछे का कारण बा?
रामलला यानी 22 जनवरी के प्राण प्रतिष्ठा के बाद से लगभग डेढ़ करोड़ लोग श्री राम जन्मभूमि मंदिर में आके पूजा कईले बाड़े। मंगल आ शनिचर के दिने अढ़ाई लाख से अधिका लोग आवे वाला बा जबकि 23 से 25 जनवरी के बीच हर दिन आवे वाला लोग के संख्या करीब पाँच लाख हो गइल। होली के अगिला दिन भी उहे हाल रहे। जब आंकड़ा 3 लाख ले पहुंच गईल। एह तरह से अगर औसत के बात करीं तs आज ले 2 लाख से अधिक श्रद्धालु श्री राम मंदिर में रोज जात रहले। अगर इs संख्या जारी रही तs कल्पना करीं कि एक साल में केतना भक्त अयोध्या जइहें? निश्चित रूप से इs आंकड़ा देश के ना, विदेश में भी कई गो प्रमुख धार्मिक जगह से जादा बा।
राम नवमी के दिने अयोध्या ना आवे के अपील
इहे कारण बा कि राम मंदिर ट्रस्ट अब रामनवमी के लेके श्रद्धालु लोग से अपील कs रहल बा कि एह खास दिन अयोध्या आवे से बचे के चाहीं काहे कि जब रामनवमी के दिन क्षमता से अधिका लोग अयोध्या पहुंची तs पूरा सिस्टम ना खाली चरमरा जाई बलुक ऊ लोग भी अपने आराध्य के सुगम दर्शन ना कर पाई।एह से राम मंदिर ट्रस्ट जनता से गोहार लगा रहल बा कि राम नवमी के जगह कवनो दोसरा दिन अयोध्या में आम जन आवे आ रामलला के दरसन करे।
श्री राम जन्मभूमि तीर्थ क्षेत्र ट्रस्ट के कार्यालय प्रभारी प्रकाश गुप्ता के कहनाम बा कि, हमरा अनुमान के मुताबिक, अबे ले डेढ़ करोड़ भक्त आ गईल बाड़े, रोज करीब 2 लाख लोग आवेले, लेकिन होली के बाद भक्त के संख्या बढ़ल बा अवुरी इs आंकड़ा 3 लाख के करीब पहुंच गईल बा अवुरी राम नवमी अवुरी पूर्णिमा ले इs भीड़ कम होखे वाला नईखे। प्रशासन भी राम नवमी के समय भीड़ के काबू में करे के इंतजाम भी कs रहल बा आ ट्रस्ट भी आपन इंतजाम कs रहल बा। उs रहने के भी अस्थायी इंतजाम कs रहल बाड़े। उs श्रद्धालु लोग से गोहार लगवले बाड़न कि दर्शन खातिर आईं बाकिर राम नवमी पर्व के बाद, जेहसे कि रउरा आसानी से दर्शन कs सकीलें आ रउरा कवनो असुविधा के सामना ना करे के पड़े।
