प्रितम सिंह, खबर भोजपुरी मशरक सारण: कार्तिक पूर्णिमा के पावन अवसर प मशरक प्रखंड क्षेत्र के घोघारी नदी के घाटन आ तालाबन में नहाये खातिर श्रद्धालु लोगन के भीर उमड़ल। घोघरी नदी के बड़वाघाट, अरना, कवलपुरा, बहरौली, देवरिया, किसूनपुरा, चरिहारा, मशरक सतीवारतीर घाट के अलावा गोपालवाड़ी कौलेश्वर घाट सहित अलग-अलग तालाबन आ नदी घाट प श्रद्धालु लोग आस्था के डुबकी लगाई। नहान के बाद लोग दान-पुण्य कइला आ प्रेम से सतुआ आ मूरई के स्वाद चखलस।
बता दीं कि कार्तिक पुजा प गंगा नहान के खास महत्व होला आ लोग गंगा के अलावे अलग-अलग नदियन आ तालाबन में अपना सुविधा अनुसार आस्था के डुबकी लगा के सबका खातिर खुसी आ मंगल के कामना करेला।
Comments are closed.