सारण जिला में कालाजार के नया मरीजन के खोज खातिर 20 जून से अभियान सुरू कइल गइल बा। जवना के सफल संचालन खातिर बीतल दिन आशा कार्यकर्ता लोगन के उन्मुखीकरण कइल गइल। जेमें ओह लोगन के आशा कार्यकर्तन के संगे संगे डर्मल लीशमैनियासिस (पीकेडीएल) के लक्षणन के पहचान के साथे-साथे रेफर करे के संबंध में जानकारी दिहल गइल। एह क्रम में सोनपुर अनुमंडल अस्पताल में आशा फैसिलिटेटर आ कार्यकर्ता लोगन के उन्मुखीकरण के संगे अभियान के सुभारंभो कइल गइल।
जेमे अनुमंडल प्रभारी चिकित्सा पदाधिकारी सह अस्पताल अधीक्षक डॉ. हरिशंकर चौधरी अभियान के बारे में जानकारी देलें। विश्व स्वास्थ्य संगठन (डब्ल्यूएचओ) 2030 तक एह बेमारी के खतम करे के लक्ष्य निर्धारित कइले बा। बाकिर, सरकार देस से एह बेमारी के मिटावे खातिर 2023 के लक्ष्य रखले बाड़ी जवन डब्ल्यूएचओ के लक्ष्य से बहुते आगे बा।
लक्षण पावल गइला पs जांच खातिर तत्काल करीं रेफर
डॉ. हरिशंकर चौधरी बतवलें कि कालाजार प्रभावित गांवन में आशा कार्यकर्ता घरे-घरे जाके लोगों में एह बेमारी के लक्षणन के पहचान करी लो। जदि केहूओ में कालाजार भा पीकेडीएल के लक्षण पावल गइल तs ओकरा के तत्काल जांच आ इलाज खातिर रेफर करीं।
जवना के बाद ओह लोगन के जांच कइल जाई। जांच में कालाजार के पुष्टि होखला पs संबंधित गांव में इंडोर रेसीडूअल स्प्रे (आईआरएस) से छिड़कावो कइल जाई। जवना से प्रभावित इलाकन के आउर लोगन के कालाजार से बचावल जा सके।
एक दिन में 50-50 घरन में होई लोगन के स्क्रीनिंग
वीबीडीएस पंकज कुमार पुर्वे बतवलें कि विभाग से जारी गाइडलाइंस के मोताबिक एगो आशा के एक दिन में 50-50 घरे जाके लोगन के स्क्रीनिंग करे के होई। जवना के प्रतिदिन के रिपोर्टिंग के संगे अनुश्रवण कइल जाई।
अभियान में कवनो प्रकार के कोताही बर्दाश्त ना कइल जाई। ऊ बतवलें कि नया रोगी फेर से ना मिले एकरा खातिर नियमित रूप से सक्रिय रोगी खोज अभियान चलावल जा रहल बा।
साभार: दैनिक भास्कर
