पटना। मोकामा विधायक अनंत सिंह के पटना हाईकोर्ट से जमानत मिल गइल बा। ऊ दुलारचंद यादव हत्या ममिला में बेऊर जेल में बंद रहलें। अब कागजी प्रक्रिया पूरा होखला के बाद उनकर जल्दिये रिहाई होखे के संभावना बा।
कब ले जेल से बाहर अइहें?
सूत्रन के मोताबिक, सब औपचारिकता पूरा होखला के बाद अनंत सिंह 20 भा 21 मार्च तक जेल से बाहर आ सकेलें। उनकर रिहाई के खबर से समर्थकन में उत्साह बढ़ गइल बा।
समर्थकन में खुसी के माहौल
जमानत मिलतही मोकामा आ आसपास के इलाका में समर्थकन के बीच खुसी के लहर दउड़ गइल बा। लोग अब उनकर जोरदार स्वागत करे के तइयारी में जुट गइल बा।
राज्यसभा चुनाव में देखल गइल असर
हाले में राज्यसभा चुनाव के दौरान अनंत सिंह जेल से बाहर आके वोट देवे पहुंचल रहलें। ओह समय उनकर मवजूदगी से सियासत में हलचल मच गइल रहे।
परिवार के राजनीति में एंट्री के संकेत
वोटिंग के दौरान ऊ इशारा कइले रहलें कि अब उनकर परिवार सक्रिय राजनीति में आई। एह बयान के आवे वाला चुनावी समीकरण से जोड़ के देखल जा रहल बा।
हत्या कांड से जुड़ल बा ममिला
दुलारचंद यादव के हत्या 2025 विधानसभा चुनाव के दौरान भइल रहे। एह ममिला में अनंत सिंह के आरोपी बनावल गइल रहे। जेल में रहत ऊ चुनाव जीत गइलें, जवन उनकर मजबूत राजनीतिक पकड़ के देखावेला।
रिहाई के बाद बढ़ल सियासी हलचल
विश्लेषकन के माने के बा कि अनंत सिंह के रिहाई से मोकामा आ आसपास के राजनीति में नया हलचल देखे के मिलल। खासकर चुनाव से पहिले ई घटना बहुते अहम मानल जा रहल बा।
Read Also: Dhurandhar 2 : आदित्य धर धुरंधर 2 में कइलें अइसन कवन बड़ गलती, जवना के जान के रउआ पकड़ लेम आपन माथा!
