अजब-गजब: निकाय चुनाव में बनल एगो अनोखा रिकॉर्ड, पार्षद प्रत्याशी के ना मिलल एको वोट, खुद के वोट तक खाता में ना! 

Anurag Ranjan

निकाय चुनाव 2023 में अइसे तs तमाम रिकॉर्ड बनल बा, बाकिर गरौठा तहसील में एगो अइसन रिकॉर्ड बनल बा जवना के ना तs रउआ पहिले कबो सुनले होखेम आ ना देखले होखेम।

दरअसल, पार्षद पद के एगो प्रत्याशी के खाता में एको गो मत पत्र ना निकलल। ई खबर समूचा तहसील में जंगल के आग लेखा फइल गइल। लोग सोच के हैरान बा कि आखिर प्रत्याशी अपने वोट अपना पक्ष में काहे ना डललस?

गुरसरांय नगर पालिका परिषद के वार्ड नंबर-23 से पार्षद प्रत्याशी राकेश कुशवाहा खाली जिले ना बलुक प्रदेश में पहिला बेर एगो नया चुनावी रिकॉर्ड बनवले बाड़ें। वार्ड नंबर-23 से इनका कवनो मत नइखे मिलल। ई पहिला बेर देखल गइल बा कि चुनाव में खड़ा प्रत्याशी के खाता में शून्य वोट पड़ल बा। लोगन के आश्चर्य एह बात के बा कि आखिर कइसे उनका खुद के वोट तक ना मिलल।

एह चुनाव परिणाम के अइला के बाद पूरा गरौठा तहसील आ जहां-जहां खबर पहुंचल लोग आश्चर्यचकित रह गइल।

साभार: रॉयल बुलेटिन

Share This Article
Content Creator
Follow:
सिविल इंजीनियर, भोजपुरिया, लेखक, ब्लॉगर आ कमेंटेटर। खेल के दुनिया से खास लगाव। परिचे- एगो निठाह समर्पित भोजपुरिया, जवन भोजपुरी के विकास ला लगातार प्रयासरत बा। खबर भोजपुरी के एह पोर्टल पs हमार कुछ खास लेख आ रचना रउआ सभे के पढ़े के मिली। रउआ सभे हमरा के आपन सुझाव anuragranjan1998@gmail.com पs मेल करीं।