अपना आवाज से घर के नाम लोकप्रिय रेडियो अनाउंसर अमीन सयानी के निधन हो गइल। उ 91 साल के उमिर में आपन आखिरी सांस लेले। जानकारी के मुताबिक मंगल के रात उनुका दिल के दौरा पड़ल, ओकरा बाद उनुका के मुंबई के एचएन रिलायंस अस्पताल पहुंचावल गईल, जहां उs अंतिम सांस लिहले।
अमीन सयानी अपना आवाज आ कार्यक्रम के प्रस्तुति से देश में ना विदेशो में प्रसिद्धि हासिल कइलन। उनकर मशहूर कार्यक्रम बिनाका गीतमाला रेडियो सिलोन पs प्रसारित भइल। अमीन सयानी 1951 में आपन रेडियो कैरियर शुरू कइले रहले।
