रिहाई से एक हफ्ता पहिले यूपी सरकार के मेडिकल भेजल गईल। खबर के मुताबिक अमरमणि मानसिक रूप से बेमार बाड़।उनुकर इलाज मानसिक बीमारी विभागाध्यक्ष डॉ. तपस
कुमार आइच के देखरेख में चल रहल बा। जबकि उनकर मेहरारू मधुमणि के सवाईकल से जुड़ल समस्या के बारे में बतावल जाता। फिलहाल दुनो लोग के इलाज न्यूरोसर्जन के देखरेख में चलता। उनुका के जेल से रिहा क दिहल गईल। बाकिर तबहियों मेडिकल कॉलेज में भर्ती रहिए।
उनुकर बेटा अमन मणि त्रिपाठी कहले कि, पिता के स्वास्थ्य के हालत अबे ले ओसही बा, जब डॉक्टर उनुका स्वास्थ्य के जानकारी दिहे त ओकरा बाद उनुका के डिस्चार्ज क दिहल जाई अवुरी सिर्फ डॉक्टर के सलाह पs घरे जईहे।
रिलीज के बदल सकेला राजनीतिक समीकरण
दूसर ओर अमरमणि के रिहाई के खबर के बाद गोरखपुर के दुर्गाबाड़ी रोड स्थित उनुका घर पs सन्नाटा पसर गईल। लेकिन, उनुका कार्यस्थल महाराजगंज के नौतनवा विधानसभा कार्यालय में लोग जमके खुशी मनवले। एह दौरान एक दूसरा के मिठाई खियावे के संगे आतिशबाजी भी कईल गईल।
राजनीतिक सरगर्मी तेज हो गइल
कार्यकर्ता कुल कहले, “पूर्वांचल के शेर आवत बा। अब एक बेर फेरु राजनीतिक सरगर्मी तेज हो जईहे।” जबकि 2024 के लोकसभा चुनाव से पहिले अमरमणि के रिहाई के भी राजनीतिक कोण से देखल जा रहल बा। राजनीतिक विशेषज्ञन के मानना बा कि अमरमणि के रिहाई से आवे वाला चुनाव में महाराजगंज के राजनीतिक समीकरण बदल सकेला।
अमरमानी पूर्वांचल में बड़ ब्राह्मण चेहरा ह
अमरमणि त्रिपाठी पूर्वांचल में बड़ ब्राह्मण चेहरा ह। भाजपा भी उनुका के जीते के कोशिश करी त कवनो आश्चर्य के बात ना होई। उ सपा के करीबी बाड़े। बसपा से भी रिश्ता बढ़िया बा। उ पहिले कांग्रेस से चुनाव जीत चुकल बाड़े।
मैदान में उतरिह त पंकज चौधरी के बढ़ सकेला मुश्किल
अमरमणि त्रिपाठी के रिहाई के खबर से महाराजगंज जिला के दिग्गज नेता लोग के नींद उड़ गईल बा। दिग्गज लोग बढ़िया से समझत बा कि अमरमणि भले 20 साल तक जेल में रहले, लेकिन महाराजगंज इलाका में उनुकर प्रभाव अबो ले बरकरार बा। अबहियों नौतनवां आ सोनौली नगर क्षेत्र के चुनाव में उनकर करीबी दोस्तन के जीत साबित करत बा कि एह इलाका में उनकर का प्रभाव बा?
अयीसना में ए संभावना के खारिज नईखे कईल जा सकत कि 2024 के लोकसभा चुनाव में अमरमणि अपना बेटी तनुश्री के लोकसभा चुनाव में खड़ा क सकतारे। अगर अइसन हो गइल त चुनाव में सांसद आ वित्त राज्यमंत्री पंकज चौधरी खातिर ई निश्चित रूप से मुश्किल हो जाई।
Comments are closed.