सपा अध्यक्ष अखिलेश यादव भाजपा में राजनीतिक चरचा के बीच सोशल मीडिया प्लेटफॉर्म एक्स पs कहले बाड़ें कि मानसून ऑफर बा-100 विधायक ले आवs आ सरकार बनावs।
राजनीतिक सूत्रन के अनुसार, जदि भाजपा में कवनो नेता 100 विधायकन के समर्थन जुटा लेत बा तs सपा मुख्यमंत्री पद खातिर ओकरा के समर्थन दे सकत बिया। एकरा के उपमुख्यमंत्री केशव प्रसाद मौर्य से जोड़के देखल जा रहल बा।
मानसून ऑफ़र: सौ लाओ, सरकार बनाओ!
— Akhilesh Yadav (@yadavakhilesh) July 18, 2024
एकरा संगही तरे-तरे के राजनीतिक चरचा के बीच दिल्ली से केशव के लखनऊ लवटला पs अखिलेश कटाक्ष कइले बाड़ें- लवट के बुद्धू घर के आवे।
इहां बता दीं कि केशव प्रसाद मौर्य बुध के सपा अध्यक्ष अखिलेश यादव पs एक्स के माध्यम से हमला बोलत उनका के सपा बहादुर के संज्ञा देते कहले रहस कि यूपी आ केंद्र दुनुए जगह मजबूत सरकार बा। 2017 के तरे 2027 में हमनिये के यूपी में सरकार बनाएम सs। ऊ सपा के पीडीए के धोखा करार देले रहसs।
