अभिनेता गोविंदा के संगे आज मंगर के सबेरे हादसा हो गइल। ऊ सबेरे कोलकाता खातिर रवाना होत रहस। एह दौरान ऊ अपना लाइसेंसी रिवॉल्वर के केस में रखत रहस कि अचानक रिवॉल्वर जमीन पs गिर गइल आ मिसफायर भइल। एह दौरान अभिनेता के गोड़ में गोली लाग गइल। उनका के नजदीकी अस्पताल में भर्ती करावल गइल। डॉक्टर लोग बुलट निकाल देले बा आ गोविंदा खतरा से बाहर बा। हादसा के बाद खुद गोविंदा बयान जारी कइले बाडें आ प्रशंसकन आ डॉक्टरन के आभार जतवलें बाडें।
प्रशंसकन के कहलें शुक्रिया
गोविंदा हादसा के बाद अस्पताल से बयान जारी कs के कहलें कि, ‘नमस्कार, प्रणाम, हम हई गोविंदा। रउआ सभे के आसिरबाद आ बाबा के आसिरबाद। गोली लागल रहे। बाकिर, गुरू के किरपा से गोली निकाल दिहल गइल बा। हम धन्यवाद देत बानी इहां के डॉक्टरन के। रउआ सभे के प्रार्थना खातिर रउआ सभे के धन्यवाद आ आभार’।
