लापता लेडीज’ के रिलीज से पहिले आमिर खान के टी-शर्ट खींचलस ध्यान

Minee Upadhyay

सुपरस्टार आ निर्माता आमिर खान अपना आवे वाली फिलिम ‘लपता लेडीज’ के प्रचार में व्यस्त बाड़न। एह फिलिम के निर्देशन उनुकर पूर्व पत्नी किरण राव कइले बाड़ी जवन एक मार्च के रिलीज होखे जा रहल बा। किरण राव के निर्देशन में आमिर खान प्रोडक्शन के सबले बेसी प्रतीक्षित फिल्म ‘लापता लेडीज’ के टीजर दर्शकन के अतना अपना ओर खींचे में सफल हो गइल बा कि एह फिलिम के देखे के इंतजार सब करत बाड़े। फिलहाल फिल्म के टीम देश भर में फिल्म के प्रचार में व्यस्त बिया। ओने ‘मोस्टली लपता’ के सुपरस्टार आमिर खान के पुणे में देखल गइल बा।

आमिर खान के टी-शर्ट ध्यान अपना ओर खींचलस

आमिर खान अपना पूर्व पत्नी किरण राव के संगे फिल्म ‘लपता लेडीज’ के प्रचार खातीर पुणे पहुंचले, जवना में सभके अनोखा अंदाज रहे। आम तौर पs आमिर खान के सार्वजनिक तौर पs बहुत कम देखे के मिलेला, एहसे हाल में जब उनुका के देखल गईल तs अभिनेता के टी-शर्ट प्रशंसक के ध्यान अपना ओर खींचलस। एह दौरान आमिर खान ‘मोस्टली लापता’ टीशर्ट पहिनले लउकलन। बाकी टीम के लापता लेडीज के टीशर्ट पहिनले देखल गईल।

एह दिन लापता लेडीज रिलीज होखी

1 मार्च 2024 के रिलीज होखे वाली एह फिलिम में नितांशी गोयल, प्रतिभा रांटा, स्पर्श श्रीवास्तव आ रवि किशन मुख्य भूमिका में बाड़ें। फिल्म ‘धोबी घाट’ के निर्देशन के 14 साल बाद किरण राव फेरू ‘लापता लेडीज’ से निर्देशन के क्षेत्र में लवटत बाड़न। ‘लापता लेडीज’ के प्रदर्शन टीआईएफएफ में भइल। ई फिलिम सिनेमाई रोलरकोस्टर बने के वादा करत बिया।

 

लापता लेडीज के बारे में

जियो स्टूडियो के प्रस्तुति ‘लापता लेडीज’ के निर्देशन किरण राव आ निर्माता आमिर खान आ ज्योति देशपांडे हउवें। एह फिलिम के निर्माण आमिर खान प्रोडक्शन आ किंडलिंग प्रोडक्शन के बैनर में भइल बा जवना के पटकथा बिप्लब गोस्वामी के अवार्ड विंग कहानी पs आधारित बा। फिलिम के पटकथा आ संवाद स्नेहा देसाई के लिखल बा जबकि बाकी संवाद दिव्यनिधि शर्मा के लिखल बा।

Share This Article
Content Creator
Follow:
भोजपुरी पत्रकारिता में 2 साल से काम कइला के अनुभव। भोजपुरी में समाचार लिखे के गहिराह जानकारी के संगे फिलिम, मनोरंजन, स्पेशल स्टोरी आदि सेगमेंट्स के खबरन के पढ़े खातिर हमरा संगे बनल रही खबर भोजपुरी पs।