चार लइकियन के कइसे होई परवरिश, पिता के जहरीली शराब पियला से मौत

सारण जिला के मशरक के पिलखी गांव में जहरीला शराब पियला से पति के मौत के बाद चार लइकी के पालन पोषण के सवाल विधवा खातिर बड़ समस्या बन गइल बा। पिलखी गांव निवासी प्रदीप साह उम्र 40 साल पिता बद्री साह के जहरीला शराब पीये के चलते मौत हो गइल। जिनकर उमिर 16,14,12 आ 10 साल बा। विधवा शिव कुमारी देवी के हालत खराब बा, अपना परवरिश के चिंता के चलते रोवत बाड़ी।

परिवार के लोग बतवले कि मरेवाला आदमी मकान निर्माण के काम में मजदूर के रूप में काम करत रहलें अउरी काम करत रहले। शराब पी के आके सुत गइले आ जब उनकर स्वास्थ्य बिगड़ गइल तऽ उनका के इलाज खातिर सामुदायिक स्वास्थ्य केंद्र मशरक में भर्ती करावल गइल, जहां से उनका के सदर अस्पताल रेफर कऽ दिहल गइल। उहाँ से पटना पीएमसीएच ले जाए के दौरान मौत हो गइल।

मरेवाला पिता अपना सुखी परिवार के मुसीबत में छोड़ के चल गइले। पत्नी शिव कुमारी देवी बतवली कि उऽ खुद गांव के नहर पऽ शराब के सेवन कइले बाड़े। चार गो लइकी के पालन पोषण के चिंता उनका के बेसी परेशान करऽता।

9930400cookie-checkचार लइकियन के कइसे होई परवरिश, पिता के जहरीली शराब पियला से मौतno