छपरा। 9 अक्टूबर 2024 से पाटलीपुत्र से छपरा के बीच एक जोड़ी स्पेशल ट्रेन (05297/05298) चलावल जाई। यात्रियन के अतिरिक्त भीड़ के ध्यान में राखत ई ट्रेन चलावल जा रहल बा, जवन से ओह लोग के सुविधा आ सुरक्षा के ध्यान राखल जा सके।
इ ट्रेन सबेरे 8.15 बजे पटलीपुत्र से निकल के 10.50 बजे छपरा पहुंची, जबकि वापसी में छपरा से 3.20 बजे रवाना होई आ रात के 5.55 बजे पाटलीपुत्र पहुंची। इ ट्रेन नंबर 15507/08 पाटलीपुत्र-दरभंगा-पटलीपुत्र इंटरसिटी एक्सप्रेस के रेक से चलावल जाई।
एह स्टेशनन पऽ रुकी ट्रेन
इ ट्रेन दुनो दिशा में दीघा ब्रिज हाल्ट, भरपुरा, पहलजा घाट, परमानंदपुर, नयागांव, शीतलपुर, दिघवाड़ा, अवतारनगर, बड़ा गोपाल, गोल्डनगंज आ छपरा कचहरी स्टेशन पऽ रुकी। यात्रियन के कवनो असुविधा के सामना ना करे खातिर रेलवे एह स्टेशनन पऽ ट्रेन के रोके के इंतजाम कइले बा।
इ विशेष ट्रेन 31 दिसंबर 2024 तक चली, ताकि त्योहार के दौरान यात्री के सुविधा के ध्यान राखल जा सके। रेलवे के ई फैसला यात्रियन खातिर एगो बड़हन राहत के काम करी आ ओह लोग के सुविधा खातिर एगो महत्वपूर्ण कदम बा।
Comments are closed.