शनिचर के रात जाफरा बाजार में इस्थित शीश महल मंदिर में चोरी कइला के बाद चोर बहुत मूर्ति तूड़ देले। कहल जाला कि सव मूर्ति दु सौ साल पुरान बाड़ी सन। सब मूर्ति के पादुका, ठाकुर जी के सिंहासन, पीतल के घंटी आ सब बर्तन गायब बा।
मंदिर के देखभाल करेवाला परिवार में बवाल मच गइल, जवना में दोसरा समुदाय पs आरोप लगवलस कि उऽ अपना कब्जा में लेवे के नियत से अपराध कइले बा। शंका के आधार पs मंदिर के नजदीक घूमत मोहम्मद अली नांव के युवक के पकड़ के पुलिस के सौंप दिहल गइल। तिवारीपुर पुलिस ओकरा के गिरफ्तार कऽ के जेल भेज दिहलस। उनका साथियन के खोज जारी बा।
जाफरा बाजार में इस्थित शीश महल के देखभाल स्थानीयता के अनिल गुप्ता, श्याम गुप्ता आ प्रमोद गुप्ता करतारे। मंदिर के जमीन के कब्जा के लेके दोसरा समुदाय के आदमी के संगे विवाद चलता। मामला कोर्ट में लंबित बा। शनिचर के रात पुलिस के शीश महल मंदिर में चोरी होखे के जानकारी मिलल।
अपराधी बहुत मूर्ति तूड़ देले बाड़े। घटना के जानकारी मिलला पs सीओ कोतवाली ओंकार दत्त, प्रभारी निरीक्षक तिवारीपुर अर्चना सिंह फोर्स के संगे मौका प पहुंचले। जांच के बाद मंदिर के छत पs खंडित मूर्ति मिलल।
घटना के जानकारी मिलला प पार्षद अभिषेक शर्मा के संगे स्थानीय लोग उहाँ पहुंचले। मंदिर पs कब्जा करे के मंशा से अपराध करे के आरोप सब लोग लगवले। अधिकारियन से कार्रवाई के मांग करे लगले। एही बीच राजघाट के खोखर टोला निवासी मोहम्मद अली के गली में घूमत पकड़ लिहले। उनका पs चोरी के आरोप लगावल गइल आ पुलिस के हवाले कऽ दिहल गइल।
15 गो मूर्ति 200 साल पुरान बाड़ी सन
मंदिर के देखभाल करेवाला परिवार शिकायत में लिखले बा कि मंदिर में 15 मूर्ति रहे, जवन कि 200 साल पुरान बा। चोर सब मूर्ति तूड़ देले बा। सब मूर्ति के पादुका, ठाकुर जी के सिंहासन, पीतल के घंटी आ सब बर्तन गायब बा। मंदिर के गेट के भीतर से ताला लगा के घटना के अंजाम दिहल गइल। जमीन पs कब्जा करे के कोशिश करेवाला आदमी मंदिर के अस्तित्व के मिटावे खाती अइसन कइले बा।
Comments are closed.