सबेरे-सबेरे: धूप से होला आंख आ कपार दरद के समस्या,तs करी इs योगासन

 

तापमान में बढ़ोतरी के चलते सूरज के तेज रोशनी अवुरी गरमी होखेला। एह मौसम में घर से बाहर निकलला पs सीधा धूप के तेज रोशनी महसूस होला, जवना के चलते लोग के अक्सर कपार दरद चाहे आंख में जलन के शिकायत होखेला। गरमी के मौसम स्वास्थ्य खातिर कई मायने में चुनौतीपूर्ण हो सकेला। तनी लापरवाही से गरमी के झटका से लेके डिहाईड्रेशन ले के गंभीर स्वास्थ्य समस्या के खतरा बढ़ सकता। स्वास्थ्य विशेषज्ञ के कहल बा कि धूप-तापमान के चलते आंख के स्वास्थ्य के ध्यान राखल बहुत जरूरी बा। गरमी में आँख में जलन-चुभन भा लाली के संगे दरद हो सकता। संगही, गरमी अवुरी धूप के चलते माइग्रेन के समस्या बढ़ सकता। अयीसना में अपना के हाइड्रेटेड राखे के संगे कुछ योगासन के अभ्यास कईल जा सकता, जवना से गरमी के माइग्रेन अवुरी तेज धूप के चलते आंख में जलन के शिकायत के दूर कईल जा सकता।

चक्रासन

आँख में जलन भा दरद के समस्या से छुटकारा पावे खातिर चक्रासन के नियमित अभ्यास करे के चाही। आँख के स्वास्थ्य अवुरी रोशनी बढ़ावे खातीर चक्रासन योग फायदेमंद होखेला। साथ ही दिमाग के स्वस्थ बनावेला।

पश्चिमोत्तानासन

अगर गरमी में कपार दरद के समस्या बढ़ जाला त ओकरा से उबर के नियमित रूप से पश्चिमोत्तनासन के अभ्यास करे के चाही। इs आसन मन के शांत करेला अवुरी तनाव से राहत देवेला। तनाव माइग्रेन के एगो प्रमुख कारण हs। एह आसन से तनाव कम हो सकेला।

सेतुबंधासन

गरमी में नियमित रूप से सेतुबंधासन योग के अभ्यास फायदेमंद बा। सेतुबंधासन के अभ्यास से ब्लड प्रेशर काबू में रहेला आ मन शांत रहेला। सेतुबंधासन के अभ्यास भी चिंता अवुरी तनाव से राहत देवे खातीर फायदेमंद होखेला। नियमित रूप से एs आसन के कईला से खून अउरी ऑक्सीजन दिमाग के ओर सही मात्रा में पहुंच जाला।

एह लेख के तइयार करत घरी सगरी दिशानिर्देशन के पालन कइल गइल बा। एह से जुड़ल लेख पाठक के ज्ञान आ जागरूकता बढ़ावे खातिर तइयार कइल गइल बा। खबर भोजपुरी कवनो तरह के जानकारी के दावा ना करेले अवुरी लेख में दिहल जानकारी के संबंध में कवनो जिम्मेदारी ना लेवेला।