iOS 18: रिलीज भइल नया ऑपरेटिंग सिस्टम, अइसे करीं डाउनलोड आ इंस्टॉल, जानीं सब फीचर्स

By khabar Bhojpuri Desk On Sep 17, 2024

Apple एगो लमहर इंतजार के बाद iOS 18 के लॉन्च कs देले बा। अब यूजर्स iOS 18 के लेके अपना आईफोन में डाउनलोड आ इंस्टॉल कs सकत बा लो। iOS 18 के संगे कइयन सारा नया फीचर्स दिहल गइल बा। कंट्रोल सेंटर के कस्टमाइज कइल गइल बा। पहिले कंट्रोल सेंटर में हॉटस्पॉट, वाई-फाई, डाटा जइसन ऑप्शन दिखत रहे बाकिर अब एयरप्लेन मोड, एयरड्रॉप, वाई-फाई, मोबाइल डाटा, ब्लूटूथ, पर्सनल हॉटस्पॉट आ वीपीएन एक संगे दिखी।

iOS 18 कइसे डाउनलोड करीं?

अपना iPhone पs iOS 18 डाउनलोड कइल बहुत आसान बा, बशर्ते राउर डिवाइस एकरा के सपोर्ट करे। इंस्टॉल करे से पहिले ई सुनिश्चित कs लीं कि राउर iPhone फुल चार्ज होखे आ रउआ लगे एगो इस्थिर वाई-फाई कनेक्शन बा।

अब अपना iPhone के Settings (सेटिंग्स) में जाईं।
नीचे स्क्रॉल करीं आ General (जनरल) पs टैप करींच।
Software Update (सॉफ़्टवेयर अपडेट) विकल्प खोजी आ ओकरा पs टैप करीं।
जदि राउर डिवाइस में एकर सपोर्ट होई तs रउआ iOS 18 अपडेट दिखाई दी।
Download and Install (डाउनलोड आ इंस्टॉल) पs टैप करीं आ इंस्टॉल करीं।
यहां आपसे पासकोड मांगा जाएगा। कुछ देर बाद यह फोन में इंस्टॉल हो जाएगा और फोन री-स्टार्ट होगा।

आईफोन के लिस्ट जेमे मिली iOS 18 के अपडेट

iPhone 16
iPhone 16 Plus
iPhone 16 Pro
iPhone 16 Pro Max
iPhone 15
iPhone 15 Plus
iPhone 15 Pro
iPhone 15 Pro Max
iPhone 14
iPhone 14 Plus
iPhone 14 Pro
iPhone 14 Pro Max
iPhone 13
iPhone 13 mini
iPhone 13 Pro
iPhone 13 Pro Max
iPhone 12
iPhone 12 mini
iPhone 12 Pro
iPhone 12 Pro Max
iPhone 11
iPhone 11 Pro
iPhone 11 Pro Max
iPhone Xs
iPhone Xs Max
iPhone Xr
iPhone SE (2nd जेन आ ओकरा बाद के मॉडल)

iOS 18 के फीचर्स

कस्टम होम स्क्रीन लेआउट्स iOS 18 के एगो सबसे खास फीचर ई बा कि अब रउआ पूरा तरे से अपना होम स्क्रीन लेआउट के कस्टमाइज कs सकत बानी। अब एप आइकॉन आ विजेट्स के स्वतंत्र रूप से बेवस्थित कs सकत बानी, जवना से एगो अनोखा आ पर्सनल लुक तइयार कइल जा सकत बा। एकरा अलावे, डार्क मोड आइकॉन आकस्टमाइजेबल टिंट्स इस्तेमाल कइल जा सकी।

री-डिजाइन कइल गइल कंट्रोल सेंटर

कंट्रोल सेंटर में एगो बड़ बदलाव कइल गइल बा। अब यूजर्स कंट्रोल्स के आकार बदल सकत बा, जेमे थर्ड-पार्टी एप्स तक सामिल बा, ताकि ऊ अपन जरूरतन के अनुसार फिट हो सके। लॉक स्क्रीन आ एक्शन बटन के संगे एकीकृत कइल गइल बा, जवना से आवश्यक टूल्स आ कंट्रोल्स तक तेजी से पहुंच मिली।

फोटो एप में सुधार

iOS 18 में फोटो एप के महत्वपूर्ण अपग्रेड भइल बा। एगो नया इंटरफेस अब मेमोरी के इवेंट्स, ट्रिप्स आ कलेक्शंस के अनुसार बेवस्थित करत बा, जवना से राउर फोटो लाइब्रेरी के ब्राउज कइल आसान हो जात बा। एगो नया “क्लीन अप” टूल गैर-जरूरी चीजन के फोटो से हटावे के प्रक्रिया के आसान बनावत बा।

मैसेजिंग आ कम्युनिकेशन

iOS 18 सैटेलाइट मैसेजिंग के सपोर्ट करत बा। आउर नया फीचर्स में एनिमेटेड टेक्स्ट इफेक्ट्स आ “Send Later” फंक्शन सामिल बा, जवन राउर मैसेज शेड्यूल करे के सुविधा देत बा। मैसेज एप अब RCS (रिच कम्युनिकेशन सर्विसेज) के सपोर्ट करी, जवना से नॉन-iMessage उपयोगकर्ता लोगन के संगही मैसेजिंग के अनुभव के बेहतर बनावल जाई।

एडवांस्ड सफारी आ मैप्स

सफारी के बेहतर पठनीयता खातिर एगो नया डिजाइन कइल गइल रीडर मोड के संगे अपडेट कइल गइल बा। एगो “डिस्ट्रैक्शन कंट्रोल” फीचर उपयोगकर्ता के ब्राउजिंग के दौरान अनचाहा कंटेंट के फिल्टर करे के सुविधा दी। एकरा अलावे, मैप्स एप में टोपोग्राफिक दृश्य, हाइकिंग ट्रेल्स आ ऑफलाइन सपोर्ट जोड़ल गइल बा, जवना से बिना इंटरनेट कनेक्शन के नेविगेशन आसान हो जाला।