हरियाणा में भाजपा के टिकट बांटला के बाद नेता लोग के नाराजगी खुलेआम सामने आवे लागल बा। अब कैबिनेट मंत्री रंजीत सिंह चौटाला अपना पद से इस्तीफा दे दिहले. रानियां से खिसियाइल रहे काहे कि उनकर टिकट कट गइल रहे। रंजीत सिंह चौटाला कवनो हालत में रानियां विधानसभा से चुनाव लड़े के बात कहले। उs कहले कि भाजपा हमरा के डबवाली से चुनाव लड़े के प्रस्ताव देले बिया, बाकीर हम एकरा के खारिज कs देनी। उs कहले कि उs रोड शो देखा के आपन शक्ति के प्रदर्शन करीहे। भलही हम कवनो दोसरा पार्टी से भा निर्दलीय उम्मीदवार के रूप में लड़ब बाकिर चुनाव जरूर लड़ब.
कईयो बड़ नेता दे चुकल बाड़े इस्तीफा
हरियाणा में टिकट बंटवारा के बाद भाजपा के बड़ नेता इस्तीफा दे देले बाड़े। एकरा से पहिले रतिया सीट से भाजपा विधायक लक्ष्मण नापा भाजपा के अलविदा कहले। उs भाजपा के प्राथमिक सदस्यता से इस्तीफा दे देले। टिकट ना मिलला पs रतिया से परेशान रहे। भाजपा सांसद रहल सुनीता दुग्गल के एह सीट से टिकट दिहल गइल बा. एकरा संगे हिसार जिला भाजपा के सचिव महामंडलेश्वर दर्शन गिरी महाराज भी आपन पद, पार्टी के प्राथमिक सदस्यता अवुरी बाकी सभ जिम्मेदारी से इस्तीफा दे देले। उs कुछ निजी कारण से इस्तीफा देवे के बात कहले बाड़े। एकरा अलावे हरियाणा भाजपा ओबीसी मोर्चा के प्रदेश अध्यक्ष अवुरी पूर्व मंत्री कर्णदेव कम्बोज भी अपना सभ पद से इस्तीफा दे देले बाड़े। कर्णदेव कंबोज इंद्री विधानसभा से टिकट ना मिलला पs नाराज रहले। उs पार्टी पs उनुका के उपेक्षा करे के आरोप लगावत इस्तीफा देले।
बता दीं कि भाजपा बुध के दिने हरियाणा विधानसभा चुनाव खातिर 67 गो उम्मीदवारन के पहिला सूची जारी कइलस. पहिला सूची के मुताबिक भाजपा अपना 9 बईठल विधायक के टिकट रद्द कs देले बिया।
Comments are closed.