राज्यसभा के कार्यवाही के दौरान हंगामा भईला के बाद सदन के अध्यक्ष जगदीप धनखड़ विपक्षी दल पs नाराज हो गईले। किसान के मुद्दा के लेके विपक्ष के नारा उठावे पs धनखड़ कहले कि विपक्ष खाली एs मुद्दा के राजनीतिकरण करत नाटक के सृजन करता। उs कहले कि किसान के हित ‘मगरमच्छ के आंसू’ से ना पूरा होई।
धनखड़ हंगामा कs रहल सांसदन के लतड़ले
हंगामा मचावे वाला सांसद के आलोचना करत धनखड़ कहले कि नाराबाजी अवुरी मगरमच्छ के लोर बहावे से किसान के हित ना होई। उs कांग्रेस अवुरी बाकी विपक्षी दल के नाराबाजी करेवाला सदस्य से कहले कि आप खाली एकरा के राजनीतिकरण करतानी। रउरा समाधान नइखी चाहत. किसान राउर आखिरी प्राथमिकता बा। अध्यक्ष कहले कि पछिला सप्ताह सदन में हंगामा के चलते कवनो काम ना हो पावल अवुरी अफसोस जतवले कि ओ दौरान किसान के मुद्दा पs एको नोटिस ना दिहल गईल।
हंगामा मचावे वाला विपक्षी सदस्यन के रोकत धनखड़ कहले कि भविष्य में हम एह बात के ध्यान में राखब कि राउर आश्वासन एगो रणनीति रहे। हम एह आश्वासन पs अनुमति देले रहनी कि रउरा शिष्टाचार आ अनुशासन के पालन करब.
इहो पढ़ीं: 100 साल बादो शो जारी, 13 से 15 दिसंबर देखीं राज कपूर के सुपरहिट फिलिम
