अयोध्या गैंगरेप केस पs समाजवादी पार्टी के प्रमुख अखिलेश यादव भाजपा पs चुनावी साजिश के आरोप लगवले बाड़े अवुरी यूपी के सीएम योगी आदित्यनाथ पs भी तंज कईले बाड़े। अखिलेश के कहनाम बा कि ‘भाजपा चुनाव से पहिले साजिश शुरू कईल चाहतिया। पहिला दिन से ही इनकर मकसद समाजवादियन के बदनाम कइल रहल बा आ खास कs के मुसलमानन के प्रति ओह लोग के सोच अलोकतांत्रिक आ असंवैधानिक बा. अगर कवनो ‘योगी’ लोकतंत्र आ संविधान में विश्वास ना करे तs ऊ ‘योगी’ ना हो सकेला.
अखिलेश कहले कि हम रउआ सभे के 3 घटना के उदाहरण देवे के चाहतानी। पहिला घटना हाथरस के हs जवना में भाजपा के विधायक अवुरी नेता एगो साधु के कार्यक्रम खातीर अनुमति खातीर लिखले रहले। बाकिर प्रशासन ठीक से इंतजाम ना कईलस अवुरी नतीजा इs भईल कि भारी संख्या में लोग के जान चल गईल।
सपा प्रमुख आगे कहले अवुरी दूसरा बात कि आप गोमटी नगर में देखले होखब, पुलिस पूरा सूची दे देले रहे बाकिर सीएम अवुरी भाजपा सरकार चाहतारे कि पुलिस भाजपा कार्यकर्ता बन जाए। जब पुलिस सब नाम के लिस्ट दे दिहलस तs सीएम खाली यादव अवुरी मुसलमान के नाम काहें लेले? सुनल जाता कि जवना यादव के नाम लिहल गईल रहे उs कैमरा फुटेज में ना रहे। उs कहले कि, “उss चाय पीये गईल रहले अवुरी पुलिस के एगो यादव मिल गईल, एहसे उनुका के जेल भेज दिहल गईल। हम आपके इs बतावल चाहतानी कि अयीसन लोग जवन कानून के उल्लंघन करतारे अवुरी भाजपा कार्यकर्ता के रूप में काम करतारे, जब भी (सपा) के सरकार आवेले, अयीसन अधिकारी के खिलाफ भी कार्रवाई कईल जाई।
Comments are closed.