‘तोहार बहिन फ्लैट में…’, पुलिस दौड़ल आइल, नेपाली बार डांसर अपना कमरा के हालत देख के चौंक गइल
आजकल प्रेमी आ प्रेमिका होखल कवनो बड़ बात नइखे। लिव-इन पार्टनर के संगे रहला में कवनो आश्चर्य के बात नइखे, बाकी जब रिश्ता जटिल हो जाला तs एकर नतीजा बहुत खतरनाक होखेला।
प्रेमी, प्रेमिका, लिव-इन रिश्ता आधुनिक जीवनशैली के एगो महत्वपूर्ण हिस्सा बन गइल बा। आम तौर पs देखल जाला कि जब अइसन रिश्ता खट्टा हो जाला तs जीवन के गति रुक जाला। कोलकाता में भी अइसने एगो मामला सामने आइल बा। नेपाल के एगो बार डांसर अपना प्रेमी के संगे लाइव-इन रिलेशनशिप में रहत रहे, अब उहे बार डांसर ओकरा फ्लैट में मरल मिलल बिया आ ओकर बॉयफ्रेंड गायब बा। अचरज के बात ई बा कि उहे आदमी नेपाली बार डांसर के बहिन के फोन कs के जानकारी देले रहे। मरेवाली बार डांसर के बहिन बेंगलुरु में रहेले। अब पुलिस मामला के छानबीन में व्यस्त बिया।
कोलकाता पुलिस के कहनाम बा कि शहर के एगो बार में डांसर के काम करे वाली 24 बरीस के नेपाली महिला के अपना फ्लैट में बुध के दिने मृत मिलल। ऊ बतवले कि तिलजाला इलाका के फ्लैट में लाश मिलला के बाद ओकर लिव-इन पार्टनर लापता हो गइल बा। पुलिस नेपाली बार डांसर के प्रेमी के तलाश में जुटल बिया। फिलहाल ई नइखे पाता चलल कि लईकी के का भईल आ ओकर मौत के कारण का बा।
बार डांसर के बहिन का कहलस
पुलिस के कहनाम बा कि बेंगलुरु में रहे वाली ओकर छोट बहिन दुपहरिया में महिला के लिव-इन पार्टनर के फोन अइला के बारे में तिलजाला के पड़ोसी के जानकारी देली। एगो अधिकारी कहले कि, ऊ (मृतक के बहिन) दावा कइलख कि ऊ आदमी ओकरा के बतवलख कि ओकर बहिन फांसी लगा के आत्महत्या कs के मर गइल। एकरा कुछ देर बाद ऊ मोबाइल फोन बंद कs देलख। ओकरा बाद से ऊ फरार बा। पड़ोसी घटना के बारे में पुलिस के जानकारी देले।
बार डांसर के लिव इन पार्टनर फरार
पुलिस अधिकारी बतवले कि मरेवाली महिला के लापता प्रेमी के खोज जारी बा। ए घटना के बाद से ऊ फरार बा आ ओकर कवनो सुराग नइखे। ऊ कहले कि, ‘आत्महत्या हs की हत्या एकर जांच कइल जाता। गर्दन पs चोट के निशान देख के प्राइमा फेसी मानल जाता कि महिला के मौत आत्महत्या से भइल बा। पुलिस के कहनाम बा कि लाश के पोस्टमार्टम खातीर भेज दिहल गइल बा।
Comments are closed.