Dollar Vs Rupee: शेयर बाजार में बढ़त के बीच डॉलर के मुकाबले रुपिया भइल सपाट, 1 पैसा के बढ़त के संगे खुलल 

घरेलू शेयर बाजारन में बढ़त के बीच बियफे के सीमित कारोबार में अमेरिकी मुद्रा के मुकाबले रुपिया 1 पैसा बढ़के 83.21 पs पहुंच गइल। विदेशी मुद्रा डीलर कहलें सs कि सुरुआती सत्र में भारतीय मुद्रा लगभग इस्थिर कारोबार करत रहे काहेकि कच्चा। तेल के कीमतन में बढ़न्ती से मजबूत घरेलू शेयरन के बढ़त कम हो गइल आ प्रमुख करेंसी के मुकाबले अमेरिकी डॉलर सूचकांक 106 अंक से ऊपर रहल।

अमेरिकी डॉलर के मुकाबले रुपिया 83.22 पs सपाट खुलल आ बाद में सबेरे के सौदन में 83.25 से 83.20 के दायरा में रहल। सबेरे 9.35 बजे ई अमेरिकी डॉलर के मुकाबले 83.21 पs कारोबार करत रहे, जवन पिछला बंद के मुकाबले 1 पईसा जादे बा। बुध के सुस्त कारोबार के बाद घरेलू इकाई 83.22 पs बंद भइल।

मोतीलाल ओसवाल फाइनेंशियल सर्विसेज के फॉरेक्स आ बुलियन विश्लेषक गौरांग सोमैया कहलें

एकरा प्रमुख क्रॉस के मुकाबले डॉलर में व्यापक बढ़त के बावजूद बुध के एमे एगो सीमित दायरा में कारोबार भइल। हाल के दिनन में फेडरल रिजर्व के बैठक में तीखा स्वर के पुष्टि फेड अधिकारियन द्वारा कइल गइल बा, काहेकि ऊ एह संभावना के चिह्नित कइले बाड़ें कि केंद्रीय बैंक के पिछले हफ्ता अपना दर-वृद्धि चक्र के रोकला के बाद ब्याज दरन के आउर बढ़ावे के आवश्यकता होई। बढ़ल अमेरिकी पैदावार येन खातिर परेसानी खड़ा कs देले बा, जवन अमेरिकी डॉलर के मुकाबले 11 महीना के निचला स्तर पs फिसल गइल बा।

एह बीच, डॉलर इंडेक्स के मोताबिक डॉलर 106.67 पs सपाट रहे। वैश्विक तेल बेंचमार्क ब्रेंट क्रूड 0.75 प्रतिशत बढ़के 97.27 अमेरिकी डॉलर प्रति बैरल पs कारोबार करत रहे।

शेयर बाजार के कारोबार

आज बीएसई सेंसेक्स 287.32 अंक चढ़के 66,406.01 पs पहुंच गइल। निफ्टी 50.2 अंक बढ़के 19,766.65 पs पहुंच गइल। एक्सचेंज डेटा के मोताबिक, बिदेसी संस्थागत निवेशक (एफआईआई) बुध के पूंजी बाजार में शुद्ध विक्रेता रहे, काहेकि उ 354.35 करोड़ रुपिया के शेयर बेचल।