India-America Relations: भारत के स्वास्थ्य बुनियादी ढांचा प 15 मिलियन अमेरीकी डॉलर से बेसी के निवेश करी US
व्हाइट हाउस कहले बा कि संयुक्त राज्य अमेरिका के संघीय सरकारी एजेंसी ग्लोबल इन्फ्रास्ट्रक्चर एंड इन्वेस्टमेंट (PGII) साझेदारी के हिस्सा के रूप में भारत के स्वास्थ्य बुनियादी ढांचा में 15 मिलियन अमेरीकी डालर से बेसी के निवेश करे खातिर तइयार बा।
15 मिलियन अमेरिकी डॉलर के करी निवेश
जानकारी के मोताबिक, अंतरराष्ट्रीय विकास वित्त निगम (डीएफसी) 15 मिलियन अमेरिकी डॉलर के माध्यम से कम सेवा वाला व्यक्तियन आ भारत में इस्थित एगो सामाजिक उद्यम में सुधारात्मक सर्जरी करे खातिर आई क्लीनिक के एगो श्रृंखला के विस्तार करे में मदद करी। जवन महिला लोगन खातिर सस्ता स्वच्छता उत्पादन के निर्माण करत बा।
जी-20 शिखर सम्मेलन में कइलस घोषणा
अमेरिका, इंडोनेशिया आ यूरोपीय संघ (ईयू) के नेता लोग मंगर के बाली में जी20 शिखर सम्मेलन में ग्लोबल इन्फ्रास्ट्रक्चर एंड इन्वेस्टमेंट के घोषणा कइले बा लो। एकर मकसद दुनिया भर में निम्न आ मध्यम आय वाला देशन में गुणवत्तापूर्ण बुनियादी ढांचा में निवेश में तेजी ले आवेला आउर वैश्विक अर्थव्यवस्था के मजबूत कइल बा।
अमेरिका कइलस जी-20 नेता लोगन के एगो समूह के सह-मेजबानी
व्हाइट हाउस बयान में कहलस कि इंडोनेशिया के बाली में चल रहल जी20 शिखर सम्मेलन में राष्ट्रपति बाइडन, इंडोनेशियाई राष्ट्रपति आ यूरोपीय आयोग के अध्यक्ष वॉन डेर लेयेन जी-20 नेता लोगन के एगो समूह के सह-मेजबानी कइल लो, ताकि वैश्विक बुनियादी ढांचा आ निवेश खातिर भागीदारी के मजबूत करे के आपन साझा प्रतिबद्धता के प्रदर्शन कइल जा सके।
कइयन देश के नेता लोगन के संगे भइल चरचा
शिखर सम्मेलन के दौरान अमेरिकी राष्ट्रपति बाडन, इंडोनेशिया के राष्ट्रपति आ यूरोपीय आयोग के अध्यक्ष अर्जेंटीना, कनाडा, फ्रांस, जर्मनी, भारत, जापान, कोरिया गणराज्य, सेनेगल आ यूनाइटेड किंगडम के नेता आ मंत्रियन के संगे मुलाकात कइल लो। एह दौरान ऊ लोग विश्व स्तर प समान विचारधारा वाला भागीदारन के बीचे PGII सहजोग आ समर्थन के उजागर करे प जोर दिहल लो।
Comments are closed.