वनडे वर्ल्ड कप एह साल भारत में खेले वाला बा। दू बेर विश्व कप जीते वाली टीम वेस्टइंडीज एह टूर्नामेंट से बाहर बा। क्रिकेट के इतिहास में अब तक के इ सबसे बड़ परेशानी बा। एहसे पहिले कबो अइसन ना भइल जब कवनो विश्व चैंपियन टीम विश्व कप से बाहर हो गइल होखे। बता दीं कि वेस्टइंडीज 1975 आ 1979 के विश्व कप जीतले रहे। एकरा बाद उ एक बेर भी वनडे विश्व कप के खिताब नईखन जीतले, लेकिन इ पहिला मौका बा जब उ बिना विश्व कप खेलले ए टूर्नामेंट से बाहर हो गईल बाड़े।
वेस्टइंडीज के पूरा उम्मीद खतम हो गइल
दरअसल वेस्टइंडीज आ स्कॉटलैंड के मैच वनडे वर्ल्ड कप खातिर जिम्बाब्वे में खेलल जा रहल क्वालीफायर में खेलल गइल रहे। वेस्टइंडीज टीम खातिर ई डू ऑर डाई मैच रहे। बाकिर एह मैच में स्कॉटलैंड ओह लोग के 7 विकेट से हरा दिहलस। स्कॉटलैंड से हार के बाद उनुकर टीम टॉप 2 रेस से बाहर बा। वनडे वर्ल्ड कप में आपन जगहा सुनिश्चित करे खातिर उनुका क्वालीफायर में टॉप 2 में जगह बनावे के पड़ीत। बाकिर अब ऊ अइसन ना क पइहें। विश्व कप क्वालीफायर में वेस्टइंडीज के ई लगातार तिसरका हार बा। एहसे पहिले जिम्बाब्वे आ नीदरलैंड के टीम एह लोग के हरा दिहले रहुवे।
मैच कइसन रहल
वेस्टइंडीज आ स्कॉटलैंड के बीच भइल मैच के बात कइल जाव त एह मैच में स्कॉटलैंड टॉस जीत लिहलस आ गेंदबाजी करे के फैसला कइलस। पहिले बल्लेबाजी करत वेस्टइंडीज टीम पूरा 50 ओवर ना खेल पवलस। ऊ 43.5 ओवर में 181 रन बना के ऑल आउट हो गइल। एह दौरान स्कॉटलैंड खातिर ब्रैंडन मैकमुलेन तीन गो विकेट ले लिहलन। एह दौरान वेस्टइंडीज के कवनो बल्लेबाज कुछ खास ना कर पवले। वेस्टइंडीज खातिर जेसन होल्डर सबले बेसी 45 रन बनवले।
मैच के दुसरका पारी में स्कॉटलैंड के एगो छोट लक्ष्य के सामना करे के पड़ल। उनुका जीते खातिर महज 182 रन के जरूरत रहे। दुसरका पारी के शुरुआत में स्कॉटलैंड के विकेट पहिलही गेंद पs गँवा दिहल गइल। वेस्टइंडीज खातिर उमेद बा कि ऊ बल्लेबाजी से ना बलुक गेंद से कुछ गजब के काम कर सकेलें। बाकिर स्कॉटलैंड पहिला विकेट के बाद मजबूत वापसी कइलस। आ तीन विकेट गँवा के 43.3 ओवर में 185 रन बना के मैच जीत लिहलस।
Comments are closed.