स्वस्थ शरीर खातिर खून के भूमिका महत्वपूर्ण होखेला। खून फेफड़ा से कोशिका में ऑक्सीजन ले जाला आ कोशिका से कार्बन डाइऑक्साइड के फेफड़ा छोडेला । एकरे अलावा ई भोजन से कोशिका सभ में ग्लूकोज नियर पोषक तत्व सभ के पहुँचावे ला। संगही, हार्मोन सिर्फ खून के माध्यम से शरीर के उचित जगह पे पहुंचेला। हालांकि, पोषण के कमी आ बहुत कारण से खून से जुड़ल विकार हो सकता, जवना के चलते शरीर ठीक से काम ना कर पावेला। शरीर में एनीमिया, खून बहावे के विकार जईसे हीमोफिलिया, खून के थक्का, आ खून के कैंसर बहुत खून के विकार हवे। खून से जुड़ल कवनो समस्या खातिर सीधे डॉक्टर से संपर्क करीं। आगे फायदेमंद योग आसन बतावल जा रहल बा जेसे खून से जुड़ल समस्या से छुटकारा मिल सके।
उज्जाई प्राणायाम
उज्जाई प्राणायाम के अभ्यास से शरीर में ऑक्सीजन के स्तर बढ़ जाला। एह योग आसन से पाचन में सुधार होला। योगासन के नियमित अभ्यास से लाल रक्त कोशिका के निर्माण में मदद मिलेला आ एनीमिया के समस्या दूर हो जाला। संगही, थाइरॉइड से राहत मिलेला।
उज्जाई प्राणायाम के अभ्यास के तरीका
स्टेप 1- पद्मासन के स्थिति में बइठ के पूरा शरीर के आराम दीं।
स्टेप 2- साँस लेत घरी आपन ध्यान गला पे ले आईं, कल्पना करीं कि साँस गला से आ रहल बा।
स्टेप 3- सांस लंबा आ गहिरा होखे के चाही, 10-15 मिनट तक अयीसन करीं।
सूर्यभेदी प्राणायाम
सूर्यभेदी प्राणायाम के अभ्यास से शरीर में ऊर्जा बढ़ेला आ खून के विकार तेजी से कम हो सकता। इ आसन लाल रंग के कोशिका के निर्माण में मदद करेला। एह योग के अभ्यास से दमा, खांसी, कफ, साइनस, दिल, ढेर अइसन समस्या से भी राहत मिलेला।
सूर्यभेदी प्राणायाम करे के तरीका
स्टेप 1- सबसे पहिले पद्मासन आ सुखासन के स्थिति में बईठ के कमर, गर्दन, पीठ के सीधा करीं।
स्टेप 2- ज्ञान मुद्रा में बायां हाथ के अंगुरी के बाईं गोड़ पे रख के दाहिना हाथ के दुनो अंगुरी से बायां नाक के छेद बंद करीं।
स्टेप 3- अब दाहिना नाक के छेद से साँस लेत घरी दाहिना नाक के छेद के दुनो हाथ के अँगुरी से बंद क के क्षमता के मुताबिक सांस के पकड़ लीं।
चरण 4- एह प्रक्रिया के 10 बेर दोहराईं।
नोट : योग गुरु लोग के सुझाव के आधार पे ई लेख तइयार कइल गइल बा। मुद्रा के सही स्थिति के बारे में जाने खातिर आप कवनो विशेषज्ञ से संपर्क क सकतानी।
Comments are closed.