हरियाणा के मेडेन फार्मास्युटिकल्स के कारण बताओ नोटिस, 12 गड़बड़ी मिलल, कफ सिरप के उत्पादन ठप

हरियाणा सरकार मेडेन फार्मास्युटिकल्स लिमिटेड में कफ सिरप के उत्पादन पर रोक लगा देहले बा। केंद्रीय अउर हरियाणा राज्य के दवा विभाग के संयुक्त निरीक्षण के बाद लगभग 12 गड़बड़ी मिलल। एही के आधार पर ई निर्णय लिहल गइल रहे कि कुल उत्पादन बंद क दिहल जाई। उहवें कंपनी के कारण बताओ नोटिस दिहल गइल बा। सात दिन में कंपनी के जवाब देवे के होई। हरियाणा के स्वास्थ्य मंत्री अनिल विज कहलें कि फार्मास्युटिकल कंपनी के सैंपल कोलकाता के सेंट्रल ड्रग लैब भेजल गइल रहे। अभिन रिपोर्ट नाइ आइल रहे, ओकरे बाद ही कार्रवाई होई।