‘डीएसपी तोर वर्दी उतरवा देब’, आरजेडी के पूर्व मंत्री के बेटा के गुंडागर्दी, पुलिस कइलस गिरफ्तार

बिहार के राजधानी पटना में पुलिस पर भइल हमला के सिलसिला में दुकानदार सरफराज के छोड़वले खातिर शुक्रवार साँझ पीरबहोर थाना पहुंचल राजद के पूर्व एमएलसी अनवर अहमद अउरी वार्ड 40 पार्षद के बेटा असफर अहमद हंगामा कs देहलें। आधा दर्जन पुलिस अधिकारियन के सामने असफर अहमद टाउन डीएसपी अशोक प्रसाद सिंह से भी बदसलूकी कइलें अउरी वर्दी उतरवा लेहले के धमकी देहलें। अफसर डीएसपी से कहलें कि हमके तू पहिचानत नाइ बाड़s, तहार वर्दी उतरवा देब।

क्या हवे मामला?

बियफ़े के सब्जीबाग डेंटल कॉलेज के सोझे छापेमारी कs रहल पुलिस दस्ता पर स्थानीय लोग हमला कs दिहल। सड़क पर दौड के मौका पर मौजूद लोग पुलिस के पिटाई कs देहल। एह मामला में क्षेत्र के डीएसपी अउरी थानेदार मौका पर जा के एगो स्थानीय दुकानदार के शक के आधार पs गिरफ्तार कs के थाना ले गइलें। एकरे बाद स्थानीय वार्ड पार्षद असफर अहमद थाने पहुंचलें अउर अधिकारियन पर कैद व्यापारी के छोड़ले के दबाव बनावे लगलें। मामला एतना बढ़ गइल कि देर रात पुलिस थाना अशोक राजपथ के सामने के सड़क के कुछ शरारती तत्त्व लोग जाम क देहल। काफी अबेर लेबहंगामा चलल। एह दौरान पुलिस भीड़ के तितर-बितर कइले खातिर बल प्रयोग कइलस। देर रात ले पुलिस मौका पर कैंप करत रहल।