गोरखपुर जोन के ADG अखिल कुमार के ओर से शुरू करावल गइल पब्लिक अप्रूवल सिस्टम अब एक्शन मोड पर आ गइल बा। ओइसे त जोन के 11 जिला के थाना के पुलिस के कार्यप्रणाली में सुधार भी देखे के मिल रहल बा लेकिन कई थाना अभिनियो रैंक में बेर-बेर पीछे रह जात बा।
एह में सुधार लावे खातिर ADG अब नया निर्देश जारी क के सब जिला के थाना के मानक तय कs देहलें। बेर-बेर चेतावनी के बादो मानक से नीचे आवे वाले थाने के थानेदारन पर कार्रवाई यानी हटवलें के निर्देश देहलें।
5 बिंदु पर लेहल जा रहल बा फीडबैक
ADG के ओर से 5 पिलर्स IGRS, सोशल मीडिया, अदर डिजिटल प्लेटफार्म, FIR, NCR अउर पासपोर्ट कैरेक्टर वेरिफिकेशन पर जनता के फीडबैक लेहल जा रहल बा। एह कामों में पुलिस के कार्यप्रणाली कइसन बा, ई जनता ओट देके बताई।
ई ह नया नियम
- जौने थाना के रैकिंग टॉप 5 में होई उनके थाना प्रभारी के प्रशस्ति पत्र देहल जाई।
- जौने थाना के रैकिंग बाटम 5 में होई उनके थाना प्रभारी के रेटिंग्स बढ़ावे खातिर एडवाइजरी जारी कइल जाई।
- भविष्य में हर महीना के मूल्यांकन में जदि कौनो थाना प्रभारी ओवर ऑल रैकिंग में लगातार दूसरका माह भी बाटम 5 में अइहें त अइसन थाना प्रभारी के चेतावनी देहल जाई।
- जदि चेतावनी के बादो कौनो थाना प्रभारी के जनपदीय ओरवऑल रैकिंग लगातार तीसरे महीना भी बाटम में आइलें त अइसन सब थाना प्रभारियन के हटावल जाई।
ई होई जिला के मानक
| जिला | थानों की पब्लिक अप्रुवल रेटिंग मानक |
| गोरखपुर | 50% |
| देवरिया | 72% |
| कुशीनगर | 74% |
| महाराजगंज | 74% |
| बस्ती | 57% |
| संतकबीरनगर | 80% |
| सिद्धार्थनगर | 61% |
| गोण्डा | 57% |
| बलरामपुर | 72% |
| बहराइच | 56% |
| श्रावस्ती | 70% |