जस्टिस यूयू ललित लेहलें मुख्य न्यायाधीश पद के शपथ, राष्ट्रपति भवन में भइल कार्यक्रम

देश के मुख्य न्यायाधीश के रूप में जस्टिस यूयू ललित आजु शपथ ले लेहने।। राष्ट्रपति द्रौपदी मुर्मू उनके मुख्य न्यायाधीश पद के शपथ दियवली। ई कार्यक्रम राष्ट्रपति भवन में आयोजित भइल। जस्टिस ललित भारत के 49वें चीफ जस्टिस हवें।

शपथ ग्रहण से पहिले निवर्तमान मुख्य न्यायाधीश सीजेआई एनवी रमण के विदाई समारोह में उ तीन मुख्य सुधार के बारे में बात कइलें। जस्टिस यूयू ललित कहलें कि हमार कोशिश रही कि मामलन के सूचीबद्ध कइलें में पारदर्शिता होखे। अइसन व्यवस्था बना सकीं, जेहमें जरूरी मामला संबंधित पीठ के सामने स्वतंत्रता पूर्वक उठावल जा सकें। एकरे अलावा कम से कम एक संविधान पीठ बना सकीं, जौन सालभर काम करत रहे।