अग्निवीरन के नेता अपना NSG, SPG कमांडो काहें ना बना लेत बानें, फौजी तेज बहादुर यादव अग्निपथ पर उठवले सवाल,

अग्निपथ योजना के खिलाफ विरोध के आवाज तेज हो रहल बा। बीएसएफ के पूर्व जवान तेजबहादुर यादव कहले कि, ‘अग्नीपथ योजना कवनो प्रकार से देश के हित में नईखे। सरकार देश के रक्षा में आपन जान देवे वाला बहादुर सैनिक ना चाहत बिया, बलुक ठेका पर रोज मजदूरी करे वाला मजदूर चाहत बिया. कहले कि “नेता अपना सुरक्षा खाती एनएसजी, एसपीजी के जवान लेके चलेले अवुरी देश खाती चार साल के अकुशल अग्निवीर बिताईहे। पहिले नेता लोग अग्निवीर के अपना संरक्षण में रख के एनएसजी आ एसपीजी के सीमा पर भेज के देश के सेवा करस। काहे ना ओह लोग के आपन कमांडो बनावत बानी?

उ युवा से निहोरा कईले कि, “उ लोग हिंसा के सहारा ना लेवे के चाही, तोड़फोड़ अवुरी आगजनी के समाधान ना होखे के चाही, शांति से आंदोलन करे के चाही।” तेजबहादुर यादव सरकार से कहले कि आप डेढ़ लाख रिक्त पद के रोक देले बानी, पहिले भरवा। कहलन कि अगर अग्निवीर शहीद हो जासु भा विकलांग हो जासु बाकिर उनुका पेंशन ना मिली.

कांग्रेस पार्टी देश भर में विरोध के अभियान शुरू क देले बिया अवुरी सरकार से मांग कईले बिया कि ए योजना के तुरंत वापस लेवे के चाही। हरियाणा के पूर्व मुख्यमंत्री भूपिंदर सिंह हुड्डा कहले कि, जदी उनुकर सरकार सत्ता में आई त इ योजना रद्द क दिहल जाई। कहलन कि ई अग्निपथ ना बलुक एगोनी पथ ह. कहलन कि सेना में दू लाख पद खाली बा, सरकार नियमित रूप से एहमें बहाली काहे नइखे करत. लोकतंत्र में जनता के आवाज सुने के चाही। सरकार के ए योजना के वापस लेवे के चाही।